جنوبی پنجاب میں تعلیم کے بنیادی اور لازمی حق تک عوام کی آسان رسائی کے حوالے سے یونیسکو محکمہ سکول ایجوکیشن کے ساتھ اپنا تعاون جاری رکھے گا کنٹری ڈائریکٹریونیسکو پاکستان مسٹر یوسف فلالی
سٹیٹ آف دی آرٹ لیب کے قیام سے ٹرانس جینڈر کمیونٹی کو تعلیم کے ساتھ ساتھ ایجوکیشن سکلز سیکھنے میں مدد ملے گی کمشنر بہاول پور ڈویژن ڈاکٹر احتشام انور
افتتاحی تقریب میں کمشنر بہاول پور ڈویژن ڈاکٹر احتشام انور، یونیسکو پاکستان کے کنٹری ڈائریکٹر مسٹر یوسف فلالی میکنیسی، یو این ایڈ کی کنٹری ہیڈ مس یوکی اور دیگر حکام نے شرکت کی
بہاول پور:10/دسمبر( )یونیسکو کی معاونت سے جدید سہولیات سے آراستہ سٹیٹ آف دی آرٹ لیب کے حوالے سے افتتاحی تقریب گورنمنٹ گرلز ہائی سکول کینال کالونی میں منعقد ہوئی۔ افتتاحی تقریب میں کمشنر بہاول پور ڈویژن ڈاکٹر احتشام انور، یونیسکو پاکستان کے کنٹری ڈائریکٹر مسٹر یوسف فلالی میکنیسی، یو این ایڈ کی کنٹری ہیڈ مس یوکی اور دیگر حکام نے شرکت کی۔ اس موقع پر تقریب سے خطاب کرتے ہوئے سیکرٹری سکول ایجوکیشن جنوبی پنجاب نے کہا کہ ٹرانس جینڈر سکولوں کے طلبہ کو جدید سہولیات سے آراستہ سٹیٹ آف دی آرٹ لیب میں کمپیوٹر، کوکنگ، بیوٹیشن، ٹیلرنگ اور پروڈکشن کے شعبوں میں فنی تربیت دی جائے گی۔ تقریب کے شرکاء سے اظہار خیال کرتے ہوئے کمشنر بہاول پور ڈویژن ڈاکٹر احتشام انور نے کہا کہ سٹیٹ آف دی آرٹ لیب کے قیام سے ٹرانس جینڈر کمیونٹی کو تعلیم کے ساتھ ساتھ ایجوکیشن سکلز سیکھنے میں مدد ملے گی۔ یونیسکو پاکستان کے کنٹری ڈائریکٹر مسٹر یوسف فلالی میکنیسی نے اپنے خطاب میں کہا کہ جنوبی پنجاب میں تعلیم کے بنیادی اور لازمی حق تک عوام کی آسان رسائی کے حوالے سے یونیسکو محکمہ سکول ایجوکیشن کے ساتھ اپنا تعاون جاری رکھے گا۔
![](https://dailynaps.com.pk/wp-content/uploads/2023/12/Address-Pics-1-1024x209.jpg)