ایڈیشنل سیشن جج ظفر اقبال نے سینیٹر عون عباس بپی کی تھانہ چنی گوٹھ کے مقدمہ میں ضمانت منظور کرتے ہوئے انہیں 50 ہزار روپے کے مچلکے جمع کرانے کا حکم دیا
ملک مظفر کریم ایڈووکیٹ نے سینیٹر عون عباس بپی کی عدالت میں پیروی کی ،ضمانت ملنے کے بعد سینیٹر عون عباس بپی نے بار روم میں ملک مظفر کریم ایڈووکیٹ اور ساجد سراج جلوانہ ایڈووکیٹ کی قیادت میں پارٹی راہنمائوں سے ملاقات کی سابق صوبائی وزیر سمیع اللہ چوہدری اور دیگر رہنما ان کے ہمراہ تھے
احمد پور شرقیہ (سٹاف رپورٹر) ایڈیشنل سیشن جج احمد پور شرقیہ ظفر اقبال نے پاکستان تحریک انصاف جنوبی پنجاب کے صدر سینیٹر عون عباس بپی کی تھانہ چنی گوٹھ کے مقدمہ میں عبوری ضمانت قبل از گرفتاری کی توثیق کر دی اور انہیں 50 ہزار روپے کے مچلکے جمع کرانے کا حکم دیا- تفصیلات کے مطابق سینیٹر عون عباس بپی ایڈیشنل سیشن جج ظفر اقبال کی عدالت میں اپنی ضمانت قبل از گرفتاری کی منظوری کے لیے پیش ہوئے جہاں ان کی پیروی ملک مظفر کریم ایڈووکیٹ نے کی- ضمانت منظور ہونے کے بعد سینیٹر عون عباس بپی بار روم گئے جہاں انہوں نے پی ٹی آئی کے تحصیل صدر ملک مظفر کریم ایڈووکیٹ اور سٹی صدر ساجد سراج جلوانہ ایڈووکیٹ کی قیادت میں پارٹی راہنمائوں کے ایک وفد سے ملاقات کی اور ان سے تنظیمی معاملات پر تبادلہ خیال کیا سابق صوبائی وزیر سمیع اللہ چوہدری اور دیگر پارٹی راہنما ان کے ہمراہ تھے
