حا جی بشیر حسین مرحوم اپنی ہمشیرہ محترمہ سے ملاقات کے لیے احمد پور شرقیہ آئے ہوئے تھے جہاں انہیں دل کا دورہ پڑا جو جان لیوا ثابت ہوا
ڈائریکٹر محکمہ تعلقات عامہ بہاولپور طارق اسماعیل ،ڈپٹی ڈائریکٹرز محکمہ تعلقات عامہ ناصر حمید سید عبد حسن رضوی ,نعمان مسعود خان اور ادارہ روزنامہ نوائے احمد پور شرقیہ کا اظہار رنج و غم
بہاولپور (سٹاف رپورٹر) اکاؤنٹس آفیسر محکمہ تعلقات عامہ بہاولپور جام غلام اصغر کے والد محترم حاجی بشیر حسین مرحوم کے جسد خاکی کو چوک فوارہ میں نماز جنازہ کی ادائیگی کے بعد قبرستان ملوک شاہ میں سپرد خاک کر دیا گیا- خیال رہے کہ حاجی بشیر حسین مرحوم اپنی ہمشیرہ محترمہ سے ملاقات کے لیے احمدپور شرقیہ آئے ہوئے تھے جہاں انہیں دل کا دورہ پڑا جو جان لیواثابت ہوا- ادھر ڈائریکٹر محکمہ تعلقات عامہ بہاولپور طارق اسماعیل ڈپٹی ڈائریکٹرز محکمہ تعلقات عامہ بہاولپور ناصر حمید، سید عابد حسن رضوی اور ڈپٹی ڈائریکٹر تعلقات عامہ لودھراں نعمان مسعود خان کے علاوہ محکمہ تعلقات عامہ کے دیگر افسران اور اہلکاروں نے جام غلام اصغر کے والد حاجی بشیر حسین کے انتقال پر ان سے تعزیت کرتے ہوئے مرحوم کے درجات کی بلندی کے لیے دعا کی ہے -دریں اثناء ادارہ روزنامہ نوائے احمد پور شرقیہ نے بھی جام غلام اصغر کے والد کے رحلت کر جانے پر اپنے دلّی رنج وغم کا اظہار کیا ہے اور دعا کی ہے کہ اللہ تعالیٰ حاجی بشیر حسین مرحوم کو جنت الفردوس میں جگہ دے نیز جام غلام اصغر اُنکے بھائیوں اور سوگوار خاندان کو یہ صدمہ برداشت کرنے کی ہمت عطا کرے آمین
