وزیراعلی پنجاب مریم نواز نے دیہی مرکز صحت مبارک پور کے عملہ کی جنرل ڈیوٹی لگوانے کے خلاف درخواست پر سی ای او ہیلتھ بہاولپور سے جواب طلب کر لیا

دیہی مرکز صحت کے سات ملازمین نے مبینہ طور پر مک مکا کر کے اپنے گھروں کے قریب جنرل ڈیوٹیاں لگوا رکھی ہیں جس سے مریضوں کو مشکلات کا سامنا ہے سابق جنرل کونسلر راؤ حاجی محمد فریاد کا الزام

مبارک پور (نامہ نگار)سابق کونسلر کی دیہی مرکز صحت مبارک پور کے عملہ کی جنرل ڈیوٹی لگوانے کے خلاف درخواست پر وزیراعلی پنجاب مریم نواز نے چیف ایگزیکٹو آفیسر ہیلتھ بہاولپور سے جواب طلب کر لیا۔تفصیل کے مطابق مبارک پور کے سابق کونسلر راو حاجی محمد فریاد نے وزیر اعلی پنجاب شکایت سیل میں درخواست بذریعہ رجسٹری ارسال کی جس میں تحریر کیا کہ دیہی مرکز صحت مبارک پور جو کہ تحصیل احمد پور شرقیہ کا سب سے بڑے دیہی مرکز صحت کے 7 ملازمین حفیظ اللہ کمپیوٹر آپریٹر ،سرمد روف ٹینکی ڈرائیور، رانا محمد جمیل کلرک، نصرت پروین میڈ وائف،محمد شفقت سنیٹری پٹرول، یاسر سینٹری ورکر، محمد علی اسد سنیٹری ورکرز نے اعلی افسران سے مک مکا کر کے اپنے گھروں کے قریب جنرل ڈیوٹی لگوا رکھیں ہیں۔ اتنے سارے عملہ کی عدم حاضری پر مریضوں کو بہت سخت مشکلات کا سامنے کے ساتھ ساتھ خاکروب کے نہ ہونے کی وجہ سے صفاٸی ستھرائی کی صورت حال حالت ابتر ہے ۔ سابق کونسلر حاجی محمد فریاد نے مقامی سماجی شخصیات رئیس محمد احسن صدیق، عبدالمجید فریدی، ملک عبدالغفور کھروالہ، ملک فیض احمد لودھرا، محمد اصغر بلوچ ،رئیس محمد اجمل، ملک عاشق پنوار،شبیر احمد کھرل، رئیس محمد ذوالفقار نے وزیر اعلی پنجاب مریم نواز، ڈپٹی کمشنر بہاولپور سے فوری اصلاح احوال کا مطالبہ کیا ۔