اگر تین روز کے اندر آپ نے اسٹیشن سے غیر حاضر رہنے کی وضاحت نہ دی تو یہ تصور کیا جائے گا کہ آپ کے پاس اپنے دفاع میں کہنے کےلئے کچھ نہیں
ایسی صورت میں آپ کے خلاف پیڈا ایکٹ کے تحت کاروائی کا آغاز ہو سکتا ہے اسسٹنٹ کمشنر احمد پور شرقیہ کی تحصیلدار کو وارننگ
احمد پور شرقیہ( نامہ نگار) اسسٹنٹ کمشنر احمد پور شرقیہ فیصل احمد نے تحصیلدار احمد پور شرقیہ الیاس احمد قریشی سے اسٹیشن سے مسلسل غیر حاضر رہنے پر تین روز کے اندر وضاحت طلب کی ہے اور کہا ہے کہ بصورت دیگر یہ سمجھا جائے گا کہ آپ کے پاس اپنے دفاع میں کہنے کے لیے کچھ نہیں- اسسٹنٹ کمشنر احمد پور شرقیہ کے دفتر سے جاری کیے گئے نوٹس میں تحصیلدار الیاس احمد قریشی سے وضاحت طلب کرتے ہوئے کہا گیا ہے کہ متعدد آپ کو زبانی اور اجلاسوں میں اسٹیشن پر حاضر رہنے اور آئندہ محتاط رہنے کے لیے کہا گیا کیونکہ ریونیو کے معاملات کے زیر التوا ہونے کے علاوہ الیکشن 2024 کی ڈیوٹیاں اور دیگر حکومتی اسسائنمنٹس آپ کے زمہ تھیں
اسسٹنٹ کمشنر احمد پور شرقیہ کی جانب سے مزید کہا گیا ہے کہ متعدد مرتبہ آپ کو اس بارے یاد دہانی بھی کرائی گئی لیکن آپ نے میری کسی ہدایت پر عمل نہیں کیا جس سے یہ محسوس ہوتا ہے کہ آپ حکومتی معاملات نمٹانے میں کوئی دلچسپی نہیں رکھتے لہذا آپ کو ہدایت کی جاتی ہے کہ آپ تین روز کے اندر اسٹیشن سے غیر حاضر رہنے کے بارے میں وضاحت دیں بصورت دیگر آپ کے خلاف پیڈا ایکٹ کے تحت کاروائی کا آغاز کیا جا سکتا ہے
