امیر آف بہاولپور کے ولی عہد نے حسن عسکری شیخ کی والدہ محترمہ کے رحلت کر جانے پر اپنی دلی رنج و غم کا اظہار کرتے ہوئے مرحومہ کی مغفرت اور درجات کی بلندی کے لیے دعا کی سابق چیئرمین یونین کونسل مہر محمد صدیق٫ مہر محمد ظفر رانا ساجد غفار اور حسن عسکری شیخ کے دیگر سا تھی بھی اس موقع پر موجود تھے
گزشتہ 25 برسوں میں چنی گوٹھ اور اس کے نواحی علاقوں میں کسی قسم کا ترقیاتی کام نہیں کرایا گیا علاقے میں طبی و تعلیمی سہولیات کا فقدان ہے صوبائی پارلیمانی سیکرٹری برائے انڈسٹریز حسن عسکری شیخ
انشاءاللہ اپنے دور نمائندگی میں چنی گوٹھ کے صوبائی حلقے کا نقشہ بدل دیں گے عوام کی محرومیوں اور حق تلفیوں کا ازالہ کریں گے انتخابی مہم کے دوران کیے گئے اپنے تمام وعدے پورے کریں گے صوبائی پارلیمانی سیکرٹری حسن عسکری شیخ کا عزم
پرنس بہاول خان عباسی نے صوبائی پارلیمانی سیکرٹری حسن عسکری شیخ کے نیک جذبات اور عوامی خدمت کے مشن کو سراہتے ہوئے توقع ظاہر کی کہ چنی گوٹھ کے صوبائی حلقے کے عوام کے دیرینہ مسائل حل ہونے سے وہ یقینا سکھ اور اطمینان کا سانس لیں گے
چنی گوٹھ (سٹاف رپورٹر ) امیر آف بہاولپور نواب صلاح الدین عباسی کے ولی عہد پرنس بہاول عباس خان عباسی کی شیخ فارمز آمد پاکستان مسلم لیگ ق کے رکن صوبائی پارلیمانی سیکرٹری برائے انڈسٹریز وایم پی اے حلقہ پی پی 248 حسن عسکری شیخ کی والدہ محترمہ کے انتقال پر تعزیت کی- پرنس بہاول عباس خان عباسی نے حسن عسکری شیخ کی والدہ محترمہ کے انتقال پر اپنے دلی رنج و غم کا اظہار کیا اور مرحومہ کی مغفرت اور درجات کے بلندی کے لیے دعا کی- سابق چیئرمین یونین کونسل چنی گوٹھ مہر محمد صدیق ،مہر محمد ظفر اور رانا ساجد غفار کے علاوہ حسن عسکری شیخ کے دیگر ساتھی بھی اس موقع پر موجود تھے
ولی عہد پرنس بہاول عباس خان عباسی اور صوبائی پارلیمانی سیکرٹری برائے انڈسٹریز حسن عسکری شیخ شیخ فارمز چنی گوٹھ پر ملکی و علاقائی سیاسی صورتحال پر تبادلہ خیال کرتے ہوئے
پرنس بہاول عباس خان عباسی اور حسن عسکری شیخ نے اپنی اس ملاقات میں علاقائی و ملکی سیاسی صورتحال پر بھی تبادلہ خیال کیا -حسن عسکری شیخ نے اس موقع پر ولی عہد پرنس بہاول خان عباسی کو بتایا کہ ان کی تجویز کردہ ترقیاتی سکیموں کے ٹینڈر آئندہ ایک ہفتے میں جاری کر دیے جائیں گے -ان کا کہنا تھا کہ گزشتہ 25 برسوں میں چنی گوٹھ اور اسکے نواحی علاقوں میں کسی قسم کا ترقیاتی کام نہیں کرایا گیا- علاقے میں تعلیمی اور طبی سہولتوں کا فقدان ہے لیکن انشاءاللہ وہ اپنے دور نمائندگی میں چنی گوٹھ کا نقشہ بدل دیں گے عوام کی محرومیوں اور حق تلفیوں کا ازالہ کریں گے- رکن صوبائی اسمبلی نے اپنے اس عزم کو دہرایا کہ وہ اپنی انتخابی مہم میں کیے گئے اپنے انتخابی وعدوں کی تکمیل کر کے دم لیں گے- پر نس بہاول عباس عباسی نے حسن عسکری شیخ ایم پی اے کے نیک جذبات اور عوامی خدمت کے ان کے مشن کو سراہتے ہوئے توقع ظاہر کی کہ چنی گوٹھ کے عوام کے دیرینہ مسائل حل ہونے سے یقیناً اطمینان اور سکھ کا سانس لیں گے
