پیپلز پارٹی جنوبی پنجاب کے صدر کی تمام ڈویژنل ڈسٹرکٹ اور سٹی و تحصیلوں کی تنظیموں کے سیکرٹری اطلاعات اور ڈپٹی سیکرٹری اطلاعات کو ہدائیت
چنی گوٹھ (نامہ نگار)پاکستان پیپلز پارٹی پنجاب جنوبی پنجاب کے صدر مخدوم سید احمد محمود نے جنوبی پنجاب کے تمام ڈویژنل ڈسٹرکٹ اور سٹی و تحصیلوں کی تنظیموں کے سیکرٹری اطلاعات اور ڈپٹی سیکرٹری اطلاعات کو ہدائیت نامہ جاری کیا ہے کہ وہ 28 اپریل کو چئیرمین بلاول بھٹو زرداری کی خصوصی ہدائیت پر ملتان میں ڈیجیٹل میڈیا کانفرنس میں اپنی شرکت کو ہر ممکن یقینی بنائیں، ایک دہائی سے کارکنان جس مضبوط میڈیا سیل کی ڈیمانڈ کر رہے تھے انہی کی ڈیمانڈ پر چئر مین بلاول بھٹو زرداری صاحب نے ڈیجیٹل میڈیا کی بنیاد رکھی ہے۔ اسی پلیٹ فارم کی مدد سے ہی ہم کراچی سے خنجراب تک یک زباں ہو کر پارٹی پرموشن کے لیے کام کریں گے۔ اسی پلیٹ فارم سے ہی پروپیگینڈا کا بھر پور جواب دیا جائے گا۔ اسی پلیٹ فارم کی مدد سے ہی افقار قائد عوام نوجوانوں میں عام کریں گے یہ پلیٹ فارم ہی نئے نوجوانوں کی تربیت گاہ ہے یہی پلیٹ فارم ہی نئے دور کا سٹڈی سرکل ہے۔ یہی پلیٹ فارم ہی کارکنان اور مرکزی قیادت کے درمیان فاصلوں کو کم نہیں بلکہ ختم کر دے گا۔
پارٹی جنوبی پنجاب کے صوبائی صدر کا مزید کہنا تھا کہ ہم سب پر ہم میں سے ہر ایک پر لازم ہے کے اس پروگرام کو کامیاب کریں۔ اور اپنے چھوٹے موٹے اختلافات بھلا کر پارٹی کے مفاد میں اس پلیٹ فارم کو مضبوط بنانے میں اپنا اہم کردار ادا کریں۔ یہ پلیٹ فارم ہم سب کا ہے ۔ گڑھی خدا بخش کے شہداء سے بی بی کے لعل سے پاکستان کے روشن مستقبل چئر مین بلاول بھٹو زرداری سے وفا کا تقاضہ یہی ہے کے اس ڈیجٹل پلیٹ فارم کو صرف پاکستان پیپلز پارٹی کا نہیں بلکہ پاکستان کی عوام کا پلیٹ فارم بنا کر دم لینگے۔
