احمدپورشرقیہ (نامہ نگار) سیوریج لائن ڈالنے کے لئے اُکھاڑی جانے والی کچہری روڈ چھ ماہ گزرنے کے باوجود مرمت نہ ہوسکی۔ سڑک کی ٹو ٹ پھوٹ کی وجہ سے شہریوں کو شدید مشکلات کاسامنا ۔ تفصیل کے مطابق کچہری روڈ اک شمار شہر کی سب سے مصروف ترین سڑکوںمیں ہوتا ہے ۔ آٹھ ماہ قبل نئی سیوریج لائن ڈالنے کے لئے اُکھاڑی گئی تھی ۔ اب جبکہ سیوریج لائن ڈالنے کاکام مکمل ہوئے چھ ماہ کا عرصہ گزرچکا ہے ۔ مگر ٹھیکیدار نے تاحال سڑک کی مرمت نہ کی ہے ۔ اور چوک چاچابستی سے چوک منیر شہید تک سڑک ٹوٹ پھو ٹ کا شکار ہے ۔ اور بڑے بڑے گڑھے پڑے ہوئے ہیں۔ جس کی وجہ سے شہریوں کا یہاں سے گزرنا مشکل ہوگیا ہے۔ اور ٹریفک کا بلا ک رہنا معمول بن چکاہے ۔ جبکہ سڑ ک کی ٹو ٹ پھوٹ کا وجہ سے حادثات میں بھی اضافہ ہوگیا ہے۔ شہریوں محمد عبداللہ ، محمدخالد ، محمد نعمان، عبدالغفار، ملک عدنان ، اور خلیل احمد بلو چ نے اعلیٰ حکام سے جلد از جلد سڑک کی مرمت کا مطالبہ کیا ہے۔