وزیر اعظم شہباز شریف آج بروز جمعرات 28 مارچ کو چیف جسٹس پاکستان قاضی فائز عیسیٰ سے ملاقات کریں گے۔ ذرائع کے مطابق وزیر قانون اعظم نذیر تارڑ بھی وزیر اعظم کے ہمراہ ہوں گے اور یہ ملاقات آج بروز جمعرات 28 مارچ دوپہر2 بجےسپریم کورٹ میں ہو گی۔ ذرائع کا کہنا ہے کہ اٹارنی جنرل نے وزیر اعظم کوچیف جسٹس پاکستان سے ملاقات کی تفصیلات سےآگاہ کیا۔ خیال رہے کہ اسلام آباد ہائیکورٹ کے 6 ججز کے خط کے معاملے پر چیف جسٹس پاکستان قاضی فائز عیسیٰ کی زیر صدارت سپریم کورٹ کا فل کورٹ اجلاس ہوا۔ اجلاس میں اسلام آباد ہائی کورٹ کے ججز کے خط پر غور کیا گیا اور ججز کے خط کی آئینی و قانونی حیثیت کا جائزہ لیا گیا جبکہ یہ اجلاس تقریباً ڈھائی گھنٹے تک جاری رہا۔
وزیراعظم اور چیف جسٹس قاضی فائز عیسیٰ کی آج بروز جمعرات 28 مارچ کو سپریم کورٹ میں ملاقات طے
![PM Shehbaz Sharif & CJ Qazi Faiz Isa meeting scheduled for 28th March Thursday at 2 PM in the premises of Supreme court](https://dailynaps.com.pk/wp-content/uploads/2024/03/Shehbaz-Sharif-and-CJ-Faiaz-Issa.jpg)