احمدپورشرقیہ کی کم عمر طالبہ ولیجہ شاہین معید کی ترکیہ میں عالمی ماحولیاتی کانفرنس ’’کوپ 31‘‘ میں شرکت،

ولیجہ شاہین معید معروف سینئر صحافی عمران معید کی صاحب زادی ہیں ادارہ روزنامہ احمد پور شرقیہ کی اس اعزاز پر عمران معید اور انکی فیملی کو مبارکباد، ولیجہ شاہین کے لیے نیک خواہشات کا اظہار

احمدپورشرقیہ: سرزمین بہالپور سے تعلق رکھنے والی 18 سال سے کم عمر ہونہار طالبہ ولیجہ شاہین معید نے ترکیہ کے شہر انطالیہ میں اقوام متحدہ کے زیر اہتمام جاری عالمی ماحولیاتی کانفرنس ’’کوپ 31‘‘ (COP31) میں شرکت کرکے پاکستان اور اپنے علاقے کا نام عالمی سطح پر روشن کردیا۔ ولیجہ شاہین معید کو پاکستان کی جانب سے کم عمر ماحولیاتی محقق کی حیثیت سے اپنی تحقیق اور پالیسی ریسرچ چیلنج پیش کرنے کا موقع ملا، جس کے لیے انہیں وزارتِ ماحولیات کی جانب سے نمائندگی کا اعزاز حاصل ہوا۔

انہوں نے کانفرنس کے دوران موسمیاتی تبدیلیوں اور ماحولیاتی تحفظ کے حوالے سے اپنی تحقیقی کاوشیں عالمی فورم پر پیش کیں اور مختلف عالمی شخصیات اور پاکستانی حکومتی شخصیات سے ملاقاتیں بھی کیں۔ اقوام متحدہ کے موسمیاتی تبدیلی کے ادارے UNFCCC کے زیر اہتمام منعقد ہونے والی اس عالمی کانفرنس میں دنیا بھر سے سربراہانِ مملکت، حکومتی نمائندوں، ماحولیاتی ماہرین اور نوجوان محققین نے شرکت کی۔ کم عمری میں عالمی سطح کے اس اہم فورم پر پاکستان کی نمائندگی کرنا ولیجہ شاہین معید کی علمی قابلیت، تحقیقی صلاحیتوں اور ماحولیات کے شہریوں کے لیے بھی باعثِ فخر اور نوجوان نسل کے لیے ایک قابلِ تقلید مثال ہے۔

یاد رہے ولیجہ شاہین معید سینئر صحافی عمران معید پرواز دختر ہیں۔ کانفرنس کے سربراہی اجلاس میں وزیراعظم پاکستان محمد شہباز شریف کی آمد پر ترک صدر اور اقوام متحدہ کے سیکرٹری جنرل نے ان کا پرتپاک استقبال کیا۔ وزیراعظم شہباز شریف نے بھی عالمی رہنماؤں کے ہمراہ ماحولیاتی تبدیلیوں کے چیلنجز اور ان سے نمٹنے کے لیے عالمی تعاون کے حوالے سے کانفرنس میں شرکت کی