عالمی بینک کے احمد پور شرقیہ کے شہریوں کو بنیادی سہولیات کی فراہمی کے لیے بارہ ارب اسی کروڑ روپے کے میگا پروجیکٹس: فرّخ عدنان

عالمی بینک نے دوسرے مرحلے میں احمد پور شرقیہ کی پنجاب کی چودہ میونسپل کمیٹیوں کو اپنے میگا پروجیکٹس کیلئے منتخب کیا ہے جبکہ پہلے مرحلے میں پنجاب کی بیس میونسپل کمیٹیوں میں میگا پروجیکٹس پر عمل درآمد مکمل کر لیا گیا ہے

عالمی بینک کے ہمارے تجویز کردہ منصوبوں میں احمد پور شرقیہ میں نیا سیوریج سسٹم ،واٹر سپلائی اسکیم،دو نئے ڈسپوزل ورکس کی تعمیر،پانچ پرانے ڈسپوزل ورکس کی بحالی اوراپ گریڈیشن کے علاؤہ ضروری مشینری کی خریداری کے منصوبے شامل ہیں

ابتدائی طور پر پنجاب ڈیویلپمنٹ فنڈ کمپنی نے پچاس کروڑ کے فنڈز کی منظورِی دی ہے جو جلد ہی میونسپل کمیٹی کو ٹرانسفر ہو جائیں گے ،تمام پروجیکٹس عالمی بینک کے کنسلٹنٹس کی نگرانی میں مکمل ہوں گے چیف آفیسر بلدیہ کی روزنامہ نوائے احمدپور شرقیہ سے خصوصی گفتگو

احمد پور شرقیہ (سٹاف رپورٹر )عالمی بینک عنقریب پنجاب کی 14 میونسپل کمیٹیوں کی حدود میں آباد شہریوں کو بنیادی سہولیات کی فراہمی کے لیے اپنے بڑے میگا پروجیکٹس کا آغاز کرنے والا ہے جس میں میونسپل کمیٹی احمد پور شرقیہ  کی حدود میں سیوریج کا نظام واٹر سپلائی سکیم دو نئے ڈسپوزل ورکس کی تعمیر کی بحالی اور پانچ پرانے ڈسپوزل ورکس کی بحالی اپ گریڈیشن کے کے علاؤہ ضروری مشینری کی خریداری کے منصوبے بھی شامل ہیں جن پر پانچ سال میں اخراجات کا تخمینہ 12 ارب 80 کروڑ روپے لگایا گیا ہے اس امرکا انکشاف چیف آفیسر بلدیہ فرخ عدنان نے روزنامہ نوائے احمد پور شرقیہ سے خصوصی گفتگو کرتے ہوئے کیا- انہوں نے بتایا کہ اس سلسلے میں میونسپل کمیٹی احمد پور شرقیہ نے 42 صفحات پر مشتمل اپنی تجاویز بھجوائی تھیں جسے پنجاب ڈیویلپمنٹ فنڈ کمپنی نے منظور کر لیا ہے

انہوں نے بتایا کہ عالمی بینک قبل ازیں  پنجاب کی بیس میونسپل کمیٹیوں  کی حدود میں شہری سہولیات کی فراہمی کے اپنے میگا پروجیکٹس کا پہلا مرحلہ مکمل کر چکا ہے  جبکہ احمد پور شرقیہ کو شہر کو دوسرے مرحلے میں شامل کیا گیا ہے ان کا کہنا تھا کہ بلدیہ احمد پور شرقیہ ضلع بہاولپور کی واحد میونسپل کمیٹی ہے جس کے لیے   ابتدائی طور پر اس پراجیکٹ پر عمل درآمد کے لیے 50 کروڑ روپے کے فنڈزمنظور کیے گئے ہیں جنہیں عنقریب میونسپل کمیٹی کو ٹرانسفر کر دیا جائے گا –  چیف آفیسر فرّخ  عدنان نے ایک سوال کے جواب میں بتایا کہ احمد پور شرقیہ کی واٹر سپلائی سکیم کے لیے صاف پانی اوچشریف سے حاصل کرنے کے لیے  لائن بچھائی جائے گی جبکہ تمام منصوبے عالمی بینک کے کنسلٹنٹس کی نگرانی میں مکمل کیے جائیں گے ان کا کہنا تھا کہ عالمی بینک کے اس میگا پروجیکٹس کی تکمیل کے بعد شہر احمد پور شرقیہ کے باشندگان کو جدید سہولیات مہیا ہو جائیں گی جو  پنجاب کے دیگر ترقی شہروں کے باشندگان کو حاصل ہیں