پنجاب اسمبلی میں شرمناک قبضہ شدہ الیکشن کو مسترد کرتے ہیں: عمران خان

اسلام آباد: سابق وزیر اعظم عمران خان نے پنجاب اسمبلی میں حالیہ ہنگامہ آرائی اور وزیر اعلیٰ کے لیے ہونے والے انتخاب کو ’جعلی‘ قرار دیتے ہوئے مسترد کردیا۔ 

اپنی ٹوئٹ میں پی ٹی آئی چیئرمین عمران خان کا کہنا تھاکہ پنجاب اسمبلی میں جو کچھ ہوا وہ قابل مذمت ہے، واقعہ تمام جمہوری اصولوں اور آئین کے خلاف تھا۔ان کا کہنا تھاکہ ہم ایسے شرمناک قبضہ شدہ الیکشن کو مسترد کرتے ہیں۔

چیئرمین پی ٹی آئی نے کہا کہ انتخاب کےانعقاد کے لیے کوئی بھی شخص صدارت کی کرسی پر موجود نہ تھا، جو اقدار سےکھلا انحراف ہے، مافیا کےزیرِتسلط اس انتخابی ڈھکوسلے/جعلی انتخاب کو ہم یکسر مسترد کرتے ہیں۔