خانقاہ شریف سے جندو پیر جانے والی وین ٹائر پھٹ جانے کے باعث قلا بازیاں کھاتی ہوئی الٹ گئی تیس مسافر زخمی

موٹر وے پولیس اور ریسکیو 1122 احمد پور شرقیہ نے زخمیوں کو آر ایچ سی چنی گوٹھ میں ابتدائی طبی امداد فراہم کی زخمیوں کی حالت تسلی بخش ہے

چنی گوٹھ (نامہ نگار) خانقاہ شریف سے جندو پیر جانے والی وین ٹائر پھٹ جانے کے باعث قلا بازیاں کھاتی ہوئی الٹ گئی جس کے نتیجے میں خواتین اور بچوں سمیت تیس مسافر زخمی ہوگئے ، زخمیوں کو ریسکیو 1122 احمد پور شرقیہ نے آر ایچ سی چنی گوٹھ منتقل کیا جہاں پر انہیں ابتدائی طبی امداد دی گئی ۔

تفصیل کے مطابق خانقاہ شریف سے جندو پیر جانے والی وین چنی گوٹھ کے قریب اڈہ شہباز چوکی کے مقام پر ٹائر پھٹنے کے باعث قلا بازیاں کھاتی ہوئی الٹ گئی جس کے نتیجے میں خواتین اور بچوں سمیت تیس مسافر جن میں رفیق احمد ، مختار احمد ، نوید احمد ، پروین بی بی ، سکینہ بی بی ، نسیم بی بی ، شکیلہ بی بی ، خانو مائی ، صائمہ مائی ، حلیمہ مائی ، رابعہ بی بی ، عالم بی بی ، حسینہ مائی ، سکینہ منظور ، حماد ، شاہدہ ، خالدہ ، زینب ، فرحان ، راشد ، نجمہ ، ساجد ، عائشہ ، اللّٰہ ڈیوایا فیضان اور ساجد سکنہ جندو پیر شامل ہیں ، اطلاع ملتے ہی موٹر وے پولیس اور ریسکیو 1122 احمد پور شرقیہ جائے حادثہ پر پہنچ گئے اور انہوں نے زخمیوں کو آر ایچ سی چنی گوٹھ میں ابتدائی طبی امداد فراہم کی ۔تمام زخمیوں کی حالت تسلی بخش بیان کی جاتی ہے ۔