اوچ شریف (نامہ نگار) ڈی پی او بہاول پور کی ہدایت پر تھانہ اوچ شریف پولیس کا غیر قانونی گیس ری فلنگ اور پیشہ ور بھکاریوں کے خلاف کریک ڈاؤن ، مقدمات درج ، ملزمان حوالات میں بند

تفصیلات کے مطابق ڈی پی او بہاول پور محمد فیصل کامران کی ہدایت پر تھانہ اوچ شریف پولیس نے غیر قانونی گیس ری فلنگ کرنے والوں کے خلاف کریک ڈاؤن کرتے ہوئے عابد ، شمس الحق ، عباس کو گرفتار کر کے ملزمان کو حوالات میں بند کر دیا ہے اور الگ الگ مقدمات درج کر لیے ہیں جبکہ دوسری جانب پیشہ ور بھکاریوں کے خلاف کریک ڈاؤن کرتے ہوئے 8 بھکاری حوالات میں بند کر کے مقدمات درج کر لیے گئے ہیں اس موقع پر ایس ایچ او تھانہ اوچ شریف اظہر اقبال کا صحافیوں سے گفتگو کرتے ہوئے کہنا تھا کہ قانون کی خلاف ورزی کرنے والوں کے خلاف سخت ایکشن لیتے ہوئے روزانہ کی بنیاد پر کاروائیاں جاری رہیں گی۔