مدیر احسان احمد سحر اور سیٹلائٹ کے مکینوں کا قبرستان سیٹلائٹ ٹاؤن کے گیٹ تک ٹف ٹائل بھچوانے پر صاحبزادہ محمد عمر خان عباسی سے اظہار تشکر
صاحبزادہ محمد گزین خان عباسی کی گرانٹ سے ٹینکی گیٹ سے سیٹلائٹ ٹاؤن قبرستان کے گیٹ تک ٹف ٹائل بھچا دی گئی
سیٹلائٹ ٹاؤن اور نواحی علاقوں کے مکینوں کو اب اپنی میتیں پیدل اور ایمبولینس کے ذریعہ قبرستان تک پہنچانے میں کسی قسم کی مشکل کا سامنا نہیں کرنا پڑے گا
صاحبزادہ محمد گزین عباسی ایم پی اے کی گرانٹ سے ٹف ٹائل بھچا نے کا منصوبہ بلدیہ احمد پور شرقیہ کے سب انجینئر ملک محمود آرائیں کی زیر نگرانی مکمل کیا گیا ہے
احمد پور شرقیہ ( سٹاف رپورٹر مدیر روزنامہ نوائے احمد پور شرقیہ احسان احمد سحر کی تحریک پر صوبائی پارلیمانی سیکرٹری صاحبزادہ محمد گزین خان عباسی ایم پی اے کی گرانٹ سے ٹینکی گیٹ سے سیٹلائٹ ٹاؤن کے قبرستان کے گیٹ تک ٹف ٹائل بچھا دی گئی جس سے سیٹلائٹ ٹاؤن اور نواحی علاقہ کے مکینوں کو اپنی میتوں کو قبرستان تدفین کے لیئے لے جانے میں پریشانی کا سامنا نہیں کرنا پڑے گا کسی بھی میت کو اب قبرستان کے گیٹ تک پیدل لیجانے کے علاوہ ایمبولنس میں بھی بآسانی لے جایا جا سکے گا جبکہ قبل از یں نا ہموار راستے کی وجہ سے لوگوں کو اپنے پیاروں کی قبروں پر حاضری دینے کے لیے بھی شدید مشکلات کا سامنا کرنا پڑتا تھا بالخصوص بارش کے ایام میں صورتحال انتہائی تکلیف دہ ہو جاتی تھی-
مدیر احسان احمد سحر نے انجمن اتحاد عباسیہ پاکستان کے مرکزی سینئر نائب صدر صاحبزادہ محمد عمر داؤد خان عباسی سے خصوصی طور پر اظہار تشکر کیا ہے جنہوں نے اپنے بھتیجے صاحبزادہ محمد گزین عباسی کو قبرستان سیٹلائٹ ٹاؤن کے منصوبے کو جلد از جلد مکمل کرانے کے لیے خصوصی ہدایات دی تھیں-خیال رہے کہ ٹف ٹائل کی تنصیب کا منصوبہ میونسپل کمیٹی احمدپور شرقیہ کے سب انجینئر ملک محمود آرائیں کی نگرانی میں ٹھیکیدار نے مکمل کیا ہے