ڈپٹی کمشنر ڈاکٹر فرحان فاروق کے حکم پر واٹر ٹینکی گیٹ سے سیٹلائٹ ٹاؤن قبرستان تک ٹف ٹائل بھچا نے کا منصوبہ مکمل

محکمہ پبلک ہیلتھ انجینئرنگ نے گزشتہ چھ ماہ کے دوران دو مرتبہ ٹھیکیدار کو ٹف ٹائل کی تنصیب کرنے پر یہ کہہ کر روک دیا تھا کہ واٹر ٹینکی اُسکی ملکیت ہے

ڈپٹی کمشنر ڈاکٹر فرحان فاروق نے اسسٹنٹ کمشنر محمد نوید حیدر کی فون کال کر کے اس عوامی مسئلہ کو حل کرنے کی ہدایت کی جنکی خصوصی دلچسپی سے یہ معاملہ بطریق نمٹا دیا گیا

مدیر احسان احمد سحر اور سیٹلائٹ ٹاؤن کے باشندگان کا ڈپٹی کمشنر ڈاکٹر فرحان فاروق اور اسسٹنٹ کمشنر محمد نوید حیدر سے اظہار تشکر ،اسسٹنٹ کمشنر کو قبرستان کے گیٹ پر مٹی ڈلوا کر ایمبولینس کی باآسانی واپسی کے لیے یو ٹرن بنوانے کی استدعا کر دی گئی

احمد پور شرقیہ( سٹاف رپورٹر) ڈپٹی کمشنر بہاولپور ڈاکٹر فرحان فاروق کے حکم پر ٹینکی گیٹ سے سیٹلائٹ ٹاؤن قبرستان کے گیٹ تک ٹف ٹائل بچھانے کا منصوبہ مکمل کر لیا گیا جس کے لیے صوبائی پارلیمانی سیکرٹری صاحبزادہ محمد گزین خان عباسی ایم پی اے نے گرانٹ مختص کی تھی مگر محکمہ پبلک ہیلتھ انجینئرنگ نے گزشتہ چھ ماہ کے دوران دو مرتبہ ٹھیکیدار کو اس منصوبے پر کام کرنے سے روک دیا تھا چنانچہ مدیر روزنامہ احمد پور شر قیہ احسان احمد سحر نے سابق کونسلر حاجی فدا حسین جٹھول اور روزنامہ نوائے احمد پور شرقیہ کے نوجوان نمائندے ملک محمد سجاد کے ہمراہ ڈپٹی کمشنر بہاولپور سے ان کے دفتر میں ملاقات کر کے ان کی توجہ اس جانب منظور کرائی اور اُنہیں سیٹلائٹ ٹاؤن اور اس کے نواحی علاقوں کے باشند گان کے قبرستان میں اپنی میتوں کو لے جا نے میں در پیش مشکلات اور محکمہ پبلک ہیلتھ انجینئرنگ کی بے حسی سے آگاہ کیا

ڈپٹی کمشنر ڈاکٹر فرحان فاروق نے اسسٹنٹ کمشنر محمد نوید حیدر کی فون کال کر کے اس عوامی مسئلے کو حل کرنے کی ہدایت کی چنانچہ اسسٹنٹ کمشنر محمد نوید حیدر کی خصوصی دلچسپی اور مداخلت سے یہ معاملہ بخوبی حل ہو گیا – چیف ایڈیٹر احسان احمد سحر اور سیٹلائٹ ٹاؤن کے باشندگان نے قبرستان سیٹلائٹ ٹاؤن کے گیٹ تک ٹف ٹائل بھچا نے کا صاحبزادہ محمد گزین خان عباسی ایم پی اے کا منصوبہ بطریق احسن مکمل کرانے پر ڈپٹی کمشنر ڈاکٹر فرحان فاروق اور اسسٹنٹ کمشنر محمد نوید حیدر سے اظہار تشکر کیا ہے دریں اثناء چیف ایڈیٹر احسان احمد سحر نے اسسٹنٹ کمشنر محمد نوید حیدر ایڈمنسٹریٹر بلدیہ احمد پور شرقیہ سے استدعا کی ہے کہ وہ قبرستان سیٹلائٹ ٹاؤن کے گیٹ پر ایمبولینس کی میت اتارنے کے بعد اسکی بآسانی واپسی کیلئے مٹی ڈلوا کر یو ٹرن بنوا دیں