مخدوم سید مرتضیٰ محمود اور سردار غضنفر علی خان لنگاہ کے فنڈز سے 75 لاکھ روپے کی لاگت سے اللہ آباد میں ٹف ٹائل لگانے کا کام شروع

یہ منصوبہ میاں محمد سمیع اللہ خان ایڈووکیٹ سابق چیئرمین یوسی اللہ آباد کی تجویز پر منظور کیا گیا جس کا مقصد شہریوں کو بہتر سفری سہولیات فراہم کرنا اور علاقے کے انفراسٹرکچر کو مضبوط بنانا ہے۔

اللہ آباد(نامہ نگار)مخدوم سید مرتضیٰ محمود ایم این اے اور سردار غضنفر علی خان لنگاہ ایم پی اے کے خصوصی فنڈز سے 75 لاکھ روپے کی لاگت سے اللہ آباد شہر کی مختلف گلیوں میں ٹف ٹائل لگانے کا کام باقاعدہ طور پر شروع کر دیا گیا ہے۔یہ منصوبہ میاں محمد سمیع اللہ خان ایڈووکیٹ سابق چیئرمین یوسی اللہ آباد کی تجویز پر منظور کیا گیا جس کا مقصد شہریوں کو بہتر سفری سہولیات فراہم کرنا اور علاقے کے انفراسٹرکچر کو مضبوط بنانا ہے۔

میاں محمد سمیع اللہ خان ایڈووکیٹ نے گفتگو کرتے ہوئے کہا کہ یہ منصوبہ بلا تفریق اور شفاف انداز میں مکمل کیا جائے گا تاکہ شہر کے تمام محلوں کو مساوی بنیادوں پر ترقیاتی سہولیات فراہم کی جا سکیں۔انہوں نے کہا کہ عوام سے کیے گئے وعدوں کی تکمیل ہماری اولین ترجیح ہے اور اللہ آباد کی تعمیر و ترقی کا سفر اسی جذبے کے ساتھ جاری رہے گا۔انہوں نے مزید بتایا کہ ٹف ٹائل منصوبے کے بعد بہت جلد اللہ آباد میں میٹل روڈز کے افتتاح بھی متوقع ہیں جن پر ابتدائی کام کا آغاز جلد کر دیا جائے گا۔ان سڑکوں کی تعمیر سے نہ صرف آمدورفت میں آسانی ہوگی بلکہ علاقے کی خوبصورتی اور تجارتی سرگرمیوں میں بھی اضافہ ہوگا۔علاقہ مکینوں نے ترقیاتی کاموں کے آغاز کو خوش آئند قرار دیتے ہوئے امید ظاہر کی ہے کہ ان منصوبوں کی بروقت تکمیل سے اللہ آباد کی محرومیاں کم ہوں گی اور شہریوں کو دیرینہ مسائل سے نجات ملے گی