Advertisements

امریکی غیر ملکی امداد کے منجمد فنڈز سے 5 ارب ڈالربحال ، پاکستان سے متعلق فنڈز شامل

New Elected US President Donald Trump
Advertisements

زیادہ تر فنڈز سکیورٹی، انسداد منشیات کی مد میں جاری کیےگئے، جاری فنڈز میں انسانی امداد کا حصہ بہت محدود ہے

خبرایجنسی کے مطابق یو ایس ایڈ کے پروگراموں کے لیے 100 ملین ڈالر سے کم فنڈز جاری کیے گئے

Advertisements

 واشنگٹن ( مانیٹرنگ ڈیسک ) ٹرمپ انتظامیہ نے غیرملکی امدادکے منجمد فنڈز میں سے 5.3 ارب ڈالر جاری کردیے۔  خبرایجنسی کے مطابق زیادہ تر فنڈز سکیورٹی، انسداد منشیات کی مد میں جاری کیےگئے، جاری فنڈز میں انسانی امداد کا حصہ بہت محدود ہے۔  اس سے قبل امریکی صدر ڈونلڈ ٹرمپ نے اقتداد سنبھالنے کے بعد غیرملکی امداد روکنے کا حکم دیا تھا۔  

خبرایجنسی کے مطابق جاری فنڈز میں پاکستان میں امریکی حمایت یافتہ پروگرام کےلیے397 ملین ڈالرز بھی شامل ہیں۔  خبر ایجنسی سے گفتگو میں امریکی کانگریس عہدیدار نے کہا ہے کہ امریکی حمایت یافتہ پروگرام پاکستان کے ایف 16 طیاروں کےاستعمال کی نگرانی سے متعلق ہے، نگرانی میں یقینی بنایاجاتا ہےکہ ایف 16 طیارے انسداد دہشتگرد آپریشنز میں استعمال ہوتے ہیں نہ کہ بھارت کےخلاف۔  خبرایجنسی کے مطابق یو ایس ایڈ کے پروگراموں کے لیے 100 ملین ڈالر سے کم فنڈز جاری کیے گئے، اس کے علاوہ ریڈکراس کیلئے علیحدہ سے 56 ملین ڈالر فنڈز جاری کیے گئے۔