پودے ہمارے ماحول کو خوشگوار بنانے میں اہم کردار ادا کر تے ہیں آسیہ تسلیم انور

طالبات کاکردارناقابل فراموش ہے جنہوں نے کالج میں سینکڑوں نئے پودے لگا کر ماحول کو خوشگوار بنانے میں اہم کردار ادا کیا پرنسپل میڈم فوزیہ

گورنمنٹ گریجویٹ کالج برائے خواتین میں  منعقدہ سیمنار سےمہمان خصوصی ڈپٹی ڈسٹرکٹ ایجوکیشن میڈم آسیہ تسلیم انورکا  اظہار خیال

احمدپور شرقیہ (نامہ نگار)پودے ہمارے ماحول کو خوشگوار بنانے میں اہم کردار ادا کر تے ہیں اورآکسیجن فراہم کرنے کا بہت بڑا زریعہ ہیں اس لیے ہمیں زیادہ سے زیادہ پودے لگانے چاہیے تاکہ ہم فضائی آلودگی سے بچ سکیں ان خیالات کااظہار وزیر اعلیٰ پنجاب محترمہ مریم نواز شریف کے سر سبز پنجاب پروگرام کے سلسلے میں گورنمنٹ گریجویٹ کالج برائے خواتین میں ایک پروقار منعقدہ سیمنار سےمہمان خصوصی ڈپٹی ڈسٹرکٹ ایجوکیشن میڈم آسیہ تسلیم انورنےخطاب کرتے ہوئے کیاجبکہ کالج کی  پرنسپل میڈم فوزیہ نے شرکاء سے خطاب کرتے ہوئے بتایا کہ  پودے لگانے میں ھماری کالج کی طالبات کاکردارناقابل فراموش ہے جنہوں نےکالج میں سینکڑوں نئے پودے لگا کرجہاں کالج کی خوبصورتی میں اضافہ کیا وہاں ماحول کو خوشگوار بنانے میں بھی اہم کردار ادا کیاہے

انہوں نے مزید کہا کہ سیمنار کا مقصد شجرکاری مہم کی غرض وغایت اور اہمیت کو اجاگر کرنا ہےاور اس میں نمایاں کردار ادا کرنے والی طالبات کی حوصلہ افزائی کرنا ہے بعد ازاں مہمان خصوصی نے کالج گراؤنڈ میں پودا لگا کر شجر کاری مہم میں حصہ لینے والے تمام کرداروں کو خوب سراہا-سیمینار میں طالبات کے درمیان شجرکاری کے موضوع پر ایک تقریری مقابلے کا بھی اہتمام کیا گیا جس میں پودوں کی اہمیت پربھرپور انداز میں روشنی ڈالی گئی اورشجر کاری مہم میں نمایاں کردار ادا کرنے والی طالبات کو تعریفی اسناد سے نوازا گیا تقریب کے اختتام پر پرنسپل کالج میڈم فوزیہ نے مہمان خصوصی میڈم آسیہ تسلیم انور کا خصوصی شکریہ ادا کرتے ہوئے انہیں تعریفی شیلڈ پیش کی