پل فاروق آباد میں افسوسناک حادثہ ٹوکا مشین حادثہ، نوجوان لڑکی کا بازو کٹ گیا

حرا بی بی معمول کے مطابق جانوروں کے لیے چارہ کاٹ رہی تھی کہ اچانک اس کا ہاتھ مشین کی زد میں آگیا اہلِ خانہ

ڈاکٹرز کے مطابق زخمی لڑکی  کا آپریشن کیا جارہا ہے اور ہر ممکن طبی سہولت فراہم کی جا رہی ہے

احمدپورشرقیہ (   نامہ نگار)  ٹوکا مشین حادثہ، نوجوان لڑکی کا بازو کٹ گیا۔ تفصیل کے مطابق پل فاروق آباد میں افسوسناک حادثہ پیش آیا۔ ٹوکا مشین پر چارہ کاٹتے ہوئے 18 سالہ نوجوان لڑکی حرا بی بی کا بازو کٹ گیا۔ ریسکیو ذرائع کے مطابق حادثے کے بعد متاثرہ لڑکی کو شدید زخمی حالت میں فوری طور پر  ہسپتال منتقل کیا گیا جہاں ڈاکٹرز نے  اس کا علاج شروع کردیاہے۔اہلِ خانہ کا کہنا ہے کہ حرا بی بی معمول کے مطابق جانوروں کے لیے چارہ کاٹ رہی تھی کہ اچانک اس کا ہاتھ مشین کی زد میں آگیا۔ ڈاکٹرز کے مطابق زخمی لڑکی  کا آپریشن کیا جارہا ہے اور ہر ممکن طبی سہولت فراہم کی جا رہی ہے ۔