اسلامیہ یونیورسٹی اور مراکش کی یونیورسٹی سلطان مولائے سلیمانی کاپانچ سالہ مفاہمت کی یادداشت پر دستخط کرنے پر اتفاق

مفاہمت نامے کا مقصد مساوات اور باہمی تعاون پر مبنی تعلیمی تعاون کو فروغ دینا ہوگا۔ یہ معاہدہ کئی اہم شعبوں میں تعاون کے لیے ایک فریم ورک کا خاکہ پیش کرتا ہے

 بہاولپور:   اسلامیہ یونیورسٹی بہاولپور اور مراکش کی یونیورسٹی سلطان مولائے سلیمانی نے تعلیم اور تحقیق میں بین الاقوامی تعاون کو فروغ دینے کے لیے پانچ سالہ مفاہمت کی یادداشت پر دستخط کرنے پر اتفاق کیا ہے۔ دونوں یونیورسٹیوں کے وفود کے درمیان آن لائن میٹنگ کے دوران حتمی شکل دی گئی۔ پروفیسر ڈاکٹر محمد کامران، وائس چانسلر نے اسلامیہ یونیورسٹی بہاولپور کے وفد کی قیادت کی اور جامعہ سلطان مولائے سلیمانی یونیورسٹی سلطان مولائے سلیمانی کی نائب صدر جامعہ حفیدہ حنین نے کی۔

میٹنگ میں مراکش کی یونیورسٹی سلطان مولائے سلیمانی کے وفدمیں پولی ڈسپلنری فیکلٹی کے ڈین پروفیسر ڈاکٹر عبدالرزاق الہرتی، پروفیسر ڈاکٹر محمد فارسی وائس ڈین برائے سائنسی تحقیق اور تعاون، پولی ڈسپلنری فیکلٹی، پروفیسر ڈاکٹر المصطفٰی باچاوئی، ڈائریکٹر، سنٹر فار کنٹینیونگ ایجوکیشن، پروفیسر ڈاکٹر عبد الرحمٰن اور جیو سورس، جیو ایم ای ایل لیبارٹری، فیکلٹی آف سائنسز اینڈ ٹیکنالوجی، ایم نبیل بوکنیف، بین الاقوامی تعاون اور پارٹنرشپ ڈویژن کے سربراہ، پروفیسر ڈاکٹر مصطفی زنجون، فیکلٹی آف لیٹرز اینڈ ہیومن سائنسزشامل تھے۔ اسلامیہ یونیورسٹی بہاولپور کے وفد میں پروفیسر ڈاکٹر عبدالرؤف ڈین فیکلٹی آف کیمیکل اینڈ بائیولوجیکل سائنسز،  پروفیسر ڈاکٹر محمد امجد، ڈین، فیکلٹی آف انجینئرنگ اینڈ ٹیکنالوجی، پروفیسر ڈاکٹر دوست محمد خان، ڈین، فیکلٹی آف کمپیوٹنگ، پروفیسر ڈاکٹر جواد اقبال، ڈین، فیکلٹی آف مینجمنٹ سائنسز، ڈاکٹر عابد شہزاد، ڈائریکٹوریٹ آف انٹرنیشنل لنکیجز، محمد شجیع  الرحمان رجسٹرار، پروفیسر ڈاکٹر غلام حسن عباسی ڈائریکٹر/فوکل پرسن، ڈاکٹر فیصل احمد ، ڈاکٹرشہزاد احمد خالدڈائریکٹر میڈیا اینڈ پبلک ریلیشنزنے شرکت کی۔

مفاہمت نامے کا مقصد مساوات اور باہمی تعاون پر مبنی تعلیمی تعاون کو فروغ دینا ہوگا۔ یہ معاہدہ کئی اہم شعبوں میں تعاون کے لیے ایک فریم ورک کا خاکہ پیش کرتا ہے، بشمول طلبہ، فیکلٹی، اور ریسرچ اسکالرز کا تبادلہ۔ مشترکہ تحقیقی سرگرمیاں ،سیمینارز، سمپوزیا، اور علمی اجلاسوں کی تنظیم، تعلیمی مواد، تحقیق اور تعلیمی وسائل کا اشتراک اورالیکٹرانک انسٹرکشن میڈیا کی ترقی پر تعاون شامل ہیں۔ پروفیسر ڈاکٹر غلام حسن عباسی ڈائریکٹر انسٹی ٹیوٹ آف ایگرو انڈسٹری اینڈ انوائرمنٹ، فیکلٹی آف ایگریکلچر اینڈ انوائرمنٹ، اسلامیہ یونیورسٹی آف بہاولپور کو اس معاہدے پر دستخط اور اس پر عمل درآمد کو مربوط کرنے کے لیے فوکل پرسن کے طور پر نامزد کیا گیا ہے۔ یہ شراکت داری پانچ سال کی ابتدائی مدت کے لیے قائم کی گئی ہے اور اسے دونوں اداروں کے درمیان پائیدار تعاون اور باہمی مفاہمت کو فروغ دینے کے لیے ڈیزائن کیا گیا ہے۔