مشہور بزرگ سید عبداللہ شاہ رحمہ اللہ کا ایک روزہ 311واں سالانہ عرس مبارک 2 مئی کو منعقد ہو گا۔

سجادہ نشین پیر سید شمس الحق شاہ آف جھنگ مزار کو عرق گلاب سے غسل دے کر تقریبات کا افتتاح کریں گے

نعت خوانی اور محفل سماع کا بھی اہتمام کیا جائے گا جب کہ مریدین اور عام لوگوں میں لنگر تقسیم کیا جائے گا۔خادم مزار محمد ارشد

احمد پور شرقیہ(سٹاف رپورٹر)شہر کے مشہور بزرگ سید عبداللہ شاہ رحمہ اللہ کا 311 واں ایک روزہ سالانہ عرس 2 مئی کو محلہ فتانی میں ہو گا،مزار کے خادم حاجی محمد ارشد کی اطلاع کے مطابق درگاہ سید عبداللہ شاہ رحمہ اللہ کے سجادہ نشین پیر سید شمس الحق شاہ آف جھنگ عرس مبارک کی تقریبات کا افتتاح مزار کو غسل دینے کے بعد چادر چڑھا کر کریں گے۔اس موقع پر نعت خوانی اور محفل سماع بھی منعقد ہو گی جب کہ مریدین اور عام لوگوں میں لنگر بھی تقسیم کیا جائے گا۔