تحصیل صدر  پیپلز پارٹی جام یعقوب جھلن، نائب صدر لشکر علی بھٹو ،اور عبد الحنان اختر کی مخدوم  سید احمد محمود سے ملاقات، صحت یابی پر پھول پیش کیے

مخدوم سید احمد محمود پیپلز پارٹی کا قیمتی اثاثہ ہیں جنہوں نے پیپلز پارٹی کو جنوبی پنجاب میں گراس روٹ لیول  تک فعال اور منظم کیا ہے تحصیل صدر پیپلز پارٹی جام محمد یعقوب جھلن کا شاندار خراج تحسین

لاہور ( پ ر )پاکستان پیپلز پارٹی تحصیل احمد پور شرقیہ کے صدر جام محمد یعقوب جھلن تحصیل نائب صدر لشکر علی بھٹو اور پیپلز پارٹی کے رہنما ملک عبدالحنان  اختر پر مشتمل وفد نے مخدوم ہاؤس لاہور میں سابق گورنر پنجاب اور پیپلز پارٹی جنوبی پنجاب کے صدر مخدوم سید احمد محمود  کی لندن سے واپسی پر اُن سے ملاقات کی ان کی صحت یابی پر انہیں پھول پیش کیے ،  پیپلز پارٹی کے دیگر رہنما بھی موجود تھے-

پیپلز پارٹی تحصیل احمد پور شرقیہ کے صدر جام محمد یعقوب جھلن نے اس موقع پر گفتگو کرتے ہوئے کہا کہ مخدوم سید احمد محمود نے جنوبی پنجاب میں پیپلز پارٹی کو منظم اور گراس روٹ لیول  تک فعال بنانے میں انتہائی کلیدی کردار ادا کیا ہے -انہوں نے پیپلز پارٹی جنوبی پنجاب کے صدر کی صحت یابی پر اپنی خوشی کا اظہار کرتے ہوئے  کہا کہ  مخدوم سید احمد محمود پاکستان پیپلز پارٹی کا انتہائی قیمتی اثاثہ ہیں اور ہم  کارکنوں کو اُن کی قیادت پر فخر ہے