چوہدری محمود احمد ایکسین میپکو ممتاز علی کلوڑ اسسٹنٹ کمشنر غلام مرتضٰی نے لیاقت پور تحصیل ہیڈ کوارٹر ہسپتال کے ایکسپریس فیڈر کا افتتاح کیا 

 ہسپتال انتظامیہ کی جانب سے ایم ایس ڈاکٹر غلام شبیر اور ڈاکٹر آصف مغل نے معزز مہمانوں کا استقبال کیا ہسپتال انتظامیہ اور اہل علاقہ نے اس اقدام کا خیرمقدم کیا

جن پور(نامہ نگار ) لیاقت پور تحصیل ہیڈ کوارٹر ہسپتال کے لیے ایکسپریس فیڈر کا افتتاح بلاتعطل بجلی کی فراہمی میں مدد ملے گی -افتتاح ایم پی اے چوہدری محمود احمد ایکسین میپکو لیاقت پور ممتاز علی کلوڑ اسسٹنٹ کمشنر لیاقت پور غلام مرتضٰی نے کیا تفصیلات کے مطابق تحصیل ہیڈ کوارٹر ہسپتال لیاقت پور کے لیے نئے ایکسپریس فیڈر کا افتتاح کر دیا گیا افتتاحی تقریب کے مہمان خصوصی ایم پی اے چوہدری محمود احمد تھے جنہوں نے فیتہ کاٹ کر فیڈر کا باقاعدہ افتتاح کیا اس موقع پر اسسٹنٹ کمشنر لیاقت پور غلام مرتضیٰ ایکسین ممتاز علی کلوڑ ایس ڈی او سائیں داد ڈویژنل چیئرمین سیف اللہ خان ڈویژنل سیکرٹری نوید حیات اور لائن سپرنٹنڈنٹ عدیل اکرم سمیت دیگر افسران نے شرکت کی

ہسپتال انتظامیہ کی جانب سے ایم ایس ڈاکٹر غلام شبیر اور ڈاکٹر آصف مغل نے معزز مہمانوں کا استقبال کیااس موقع پر ایم پی اے چوہدری محمود احمد نے کہا کہ ٹی ایچ کیو ہسپتال لیاقت پور کے لیے ایکسپریس فیڈر کی فراہمی سے بجلی کی بلا تعطل فراہمی میں مدد ملے گی، جس سے ایمرجنسی، آپریشن تھیٹر، لیبارٹری اور دیگر طبی سہولیات کی فعالیت بہتر بنانے میں معاونت حاصل ہوگی ہسپتال انتظامیہ اور اہل علاقہ نے اس اقدام کا خیرمقدم کرتے ہوئے امید ظاہر کی کہ نئے فیڈر سے مریضوں کو علاج معالجے کی سہولیات کی فراہمی میں بہتری آئے گی

‬