خواتین کے عالمی دن کے موقع پر المصطفیٰ کمیونٹی سنٹر میں المصطفیٰ دسترخوان کا خصوصی اہتمام

تقریب کی مہمان خصوصی میڈم عائشہ ذیشان ڈائریکٹر آکسفورڈ اسکول اینڈ سسٹم ایجوکیشن اور ماہرِ تعلیم سعدیہ یسمین تھیں تقریب کے اختتام پر خواتین کو افطاری دی گئی

احمد پور شرقیہ(تامہ نگا ر) خواتین کے عالمی دن کے موقع پر المصطفیٰ کمیونٹی سنٹر میں المصطفیٰ دسترخوان کا خصوصی اہتمام کیا گیا جس میں سینکڑوں خواتین نے شرکت کی یہ خوبصورت اجتماع اس بات کا پیغام تھا کہ ایک مضبوط اور باوقار معاشرے کی بنیاد خواتین کے احترام تعلیم اور بااختیار بنانے سے ہی ممکن ہے تقریب کی مہمان خصوصی میڈم عائشہ ذیشان (ڈائریکٹر آکسفورڈ اسکول اینڈ سسٹم ایجوکیشن) اور ماہرِ تعلیم سعدیہ یسمین تھیں

محترمہ عائشہ ذیشان نے اس موقع پر خواتین کے کردار تعلیم کی اہمیت اور معاشرتی ترقی میں ان کی خدمات کو خراجِ تحسین پیش کیا گیا اس بابرکت موقع پر یہ پیغام بھی دیا گیا کہ خواتین کو عزت کے مواقع اور اعتماد دینا دراصل ایک روشن اور بہتر معاشرے کی تعمیر کی ضمانت ہے خواتین ہماری طاقت ہماری پہچان اور ہمارے مستقبل کی معمار ہے انہوں نے کہا کہ المصطفی ویلفیئر ٹرسٹ جس طریقے سے پاکستان بھر میں خواتین کے حقوق اور ان کو باروزگار بنانے کے لیے جس قدر مواقع فراہم کر رہی ہے وہ قابل تحسین ہے خواتین کو اپنے پاؤں پر کھڑا کرنے کے لیے کاروباری مواقع فراہم کرنا بھی اور چولستان کے علاقے میں میٹھے پانی کی فراہمی انسانیت کی خدمت کا عزم ہے اس نیک اور اچھے کاموں کے لیے المصطفی ویلفیئر ٹرسٹ کو خراج تحسین پیش کرتے ہیں

تقریب کے اختتام پر خواتین کو افطاری دی گئی اس موقع پر پرنسپل چوہدری دیشان غفار نمبردار چوہدری محمد ندیم اور المصطفی ویلفیئر ٹرسٹ ساؤتھ پنجاب کے کوارڈینیٹر ارحم سلیم قادری بھی موجودتھے۔