جنوبی افریقہ کی یونیورسٹی کی جانب سے ملک مظفر کریم ایڈووکیٹ کو انسانی حقوق میں اعزازی ڈاکٹریٹ ڈگری سرٹیفکیٹ جاری

انٹر نیشنل ہیومن رائٹس جنوبی پنجاب کے سینئر نائب صدر کی بھجوائے گئے سرٹیفکیٹ پر جنوبی افریقہ کی یونیورسٹی کے وائس چانسلر اور دیگر افسران کے مہروں سمیت دستخط ثبت ہیں

تحصیل بار ایسوسی ایشن کے اراکین اور انسانی حقوق کے لیے کام کرنے والی شخصیات کی جانب سے ملک مظفر کریم ایڈووکیٹ کو مبارکباد اور بھر پور تعاون کی یقین دھانی

احمد پور شرقیہ( سٹاف رپورٹر) جنوبی افریقہ کی ایک یونیورسٹی نے انٹرنیشنل ہیومن رائٹس جنوبی پنجاب کے سینیئر نائب صدر اور معروف قانون دان ملک مظفر کریم مغل کو انسانی حقوق میں  اعزازی ڈاکٹریٹ کا سرٹیفکیٹ جاری کیا ہے جو انہیں موصول ہو گیا- ملک مظفر کریم  مغل ایڈووکیٹ کو موصول ہونے والے سرٹیفیکیٹ پر وائس چانسلر یونیورسٹی جنوبی افریقہ کے علاوہ دیگر متعلقہ افسران کے دستخط مہروں کے ساتھ  ثبت ہیں -مقامی وکلاء اور انسانی حقوق کے لیے کام کرنے والے کارکنوں اور عہدے داروں نے معروف قانون دان ملک مظفر کریم مغل ایڈووکیٹ کو یہ اعزاز ملنے پر مبارکباد دی ہے اور انہیں انسانی حقوق کے تحفظ کے لیے خدمات سر انجام دینے میں اپنے بھرپور تعاون کی یقین دہانی کرائی ہے

معروف قانون دان ملک مظفر کریم ایڈووکیٹ کو جنوبی افریقہ کی یونیورسٹی کی جانب سے ملنے والے اعزازی ڈاکٹریٹ ڈگری سرٹیفکیٹ کا عکس