پاکستان اور جنوبی افریقہ کے درمیان تیسرا ٹی ٹوئنٹی بارش کے باعث منسوخ,جنوبی افریقہ نے تین میچوں کی سیریز دو صفر سے جیت لی

جوہانسبرگ:  پاکستان  اور  جنوبی   افریقہ  کے در میان تیسرا اور آخری ٹی ٹوئنٹی میچ بارش کی نذر ہوگیا اور  جنوبی  افریقہ  نے تین ٹی ٹوئنٹی میچز کی سیریز 0-2 سے اپنے نام کرلی۔  خیال رہے کہ پاکستان اور جنوبی  افریقہ  کےدرمیان تیسرا ٹی ٹوئنٹی آج جوہانسبرگ میں کھیلا جانا تھا۔ تین میچوں کی سیریز میں جنوبی  افریقہ  کو دو صفر کی فیصلہ کن برتری حاصل تھی تاہم مسلسل بارش کی وجہ سے ٹاس ہی نہیں کیا جاسکا۔  مسلسل بارش کی وجہ سے ایمپائرز نے میچ کو منسوخ کر دیا اور  میزبان ٹیم نے تین ٹی ٹوئنٹی میچز کی سیریز 0-2 سے اپنے نام کرلی۔  یاد رہے کہ جنوبی  افریقہ  نے 3 ٹی ٹوئنٹی میچز کی سیریز کے پہلے میچ میں پاکستان کو 11 رنز سے شکست دی تھی۔  دوسرے میچ میں جنوبی  افریقہ  کے ہاتھوں پاکستان کو 7 وکٹوں سے شکست کا سامنا کرنا پڑا تھا۔