چنی گوٹھ میں ایک گودام کی تلاشی کے دوران لاکھوں روپے مالیت کے سمگلڈ اور غیر قانونی جعلی سگریٹس برآمد
اسسٹنٹ کمشنر محمد نوید حیدر کی زیرِ نگرانی پیرا فورس کی انفورسمنٹ آفیسر فرحانہ واحد اور آئی او عثمان جتوئی کی چنی گوٹھ میں کارروائی
اوچ شریف (کرائم رپورٹر)خفیہ اطلاع پر پیرا فورس نے بڑی کارروائی کرتے ہوئے بھاری مقدار میں سمگل شدہ اور جعلی سگریٹس برآمد کر لیے۔ تفصیلات کے مطابق ڈپٹی کمشنر بہاول پور کی ہدایات کی روشنی اسسٹنٹ کمشنر احمد پور شرقیہ محمد نوید حیدر کی زیرِ نگرانی پیرا فورس نے انفورسمنٹ آفیسر فرحانہ واحد اور آئی او عثمان جتوئی نے اپنی ٹیم کے ہمراہ نواحی علاقہ چنی گوٹھ میں کارروائی کرتے ہوئے ایک گودام کی تلاشی لی ۔ تلاشی کے دوران لاکھوں روپے مالیت کے سمگلڈ اور غیر قانونی جعلی سگریٹس برآمد ہوئے۔
پیرا فورس نے برآمد شدہ سگریٹس کو تحویل میں لے کر قانونی کارروائی کا آغاز کر دیا ہے جبکہ واقعہ میں ملوث افراد کے خلاف مزید تحقیقات جاری ہیں۔ حکام کا کہنا ہے کہ غیر قانونی اشیاء کی ترسیل اور سمگلنگ کے خلاف کارروائیاں مزید تیز کی جائیں گی اور قانون شکن عناصر کے ساتھ کسی قسم کی رعایت نہیں برتی جائے گی