احمدپورشرقیہ اور گرد ونواح میں آٹے کی قلت سیل پوائنٹس پر لمبی لائنیں لگ گئیں

کوٹہ کم ہونے کی وجہ سے عوام مایوس لوٹنےلگے شہریوں کا حکومت سے سیل پوائنٹس کا کوٹہ بڑھانے کا مطالبہ

احمدپورشرقیہ ( نامہ نگار) احمدپورشرقیہ اور گرد ونواح میں آٹے کی قلت جاری ، سیل پوائنٹ پر لمبی لائنیں لگ  گئیں۔ کوٹہ کم ہونے کی وجہ سے عوام مایوس لوٹنےلگے ۔ تفصیل کے مطابق شہر اور گرد ونواح آٹے  کے بحران کا سلسلہ جاری ہے۔ اور لوگ آٹے کی تلاش میں سرکردہ نظر آتے ہیں محکمہ فوڈ کی جانب سے مقرر سیل پوائنٹس پر صبح سویرے ہی آٹا لینے والوں کی لمبی لائنیں لگ جاتی ہیں۔ جن میں   کچھ    خوش نصیبوںکو آٹا مل جاتا ہے جبکہ باقی لوگ  مایوس لوٹ جاتے ہیں۔ اور وہ مجبوراً دوکانوں اور چکیوں سے  مہنگے داموں آٹاخریدنے پر مجبور ہیں۔  شہریوں نے حکومت سے سیل پوائنٹس کا کوٹہ بڑھانے کا مطالبہ کیا ہے۔