مریم نواز کا صاف ستھرا پنجاب کا نعرہ شہر احمد پور شرقیہ میں شرمندہ تعبیر نہ ہو سکا

راؤ کالونی، محلہ حسین آباد، محلہ لوہارو، محلہ نور شاہ بخاری ، میں سیوریج کی بندش سے گٹر ابل رہے ہیں ۔ اور گلیوں میں کھڑا گندہ پانی مکینوں کے لئے وبال جان بن چکا ہے

شہریوں محمد خالد محمد اقبال، محمد منور، عمران احمد محمد افضل ، اعجاز احمد کا ڈپٹی کمشنر بہاول پور سے فوری نوٹس لینے کا مطالبہ  

احمد پور شرقیہ (نامہ نگار ) وزیر اعلیٰ پنجاب مریم نواز شریف کا صاف ستھرا پنجاب کا نعرہ شہر احمد پور شرقیہ میں شرمندہ تعبیر نہ ہو سکا۔ شہر کے مختلف محلہ جات میں سیوریج کا گندہ پانی جمع مکینوں کا گلیوں سے گزرنا محال ہو گیا۔ تفصیل کے مطابق احمد پور شرقیہ شہر میں سیوریج کی صورت حال انتہائی ابتر ہو چکی ہے۔ اور راؤ کالونی، محلہ حسین آباد، محلہ لوہارو، محلہ نور شاہ بخاری ، میں سیوریج کی بندش سے گٹر ابل رہے ہیں ۔ اور گلیوں میں کھڑا گندہ پانی مکینوں کے لئے وبال جان بن چکا ہے۔ گندے پانی سے اُٹھنے والی بدبو اور تعفن سے متعدی امراض پھیلنے کا خدشہ ہے بلدیہ کی کاوشوں کے باوجود سیوریج کا مسئلہ حل نہ ہو سکا ہے شہریوں محمد خالد محمد اقبال، محمد منور، عمران احمد محمد افضل ، اعجاز احمد نے ڈپٹی کمشنر بہاول پور سے فوری نوٹس لینے کا مطالبہ کیا ہے۔ دوسری جانب بلد یہ ذرائع کے مطابق ٹیمیں سیوریج کا مسئلہ حل کرنے کے لئے کوشاں ہیں اور جلد اس مسئلہ پر قابو پالیا جائے گا