دوسرا رانا ٹائیگر والی بال آل تحصیل اوپن نائٹ ٹورنامنٹ کا شاندار افتتاح آتش بازی کا مظاہرہ

ڈی ایس پی سرکل لیاقت پور فیاض خان پٹھان اور صدر مرکزی انجمن تاجران اللہ آباد رانا ذوالفقار احمد نے ربن کاٹ کر کیا

اللہ آباد(نامہ نگار)دوسرا رانا ٹائیگر والی بال آل تحصیل اوپن نائٹ ٹورنامنٹ کا شاندار افتتاح مہمانِ خصوصی ڈی ایس پی سرکل لیاقت پور فیاض خان پٹھان اور صدر مرکزی انجمن تاجران اللہ آباد رانا ذوالفقار احمد نے اپنے دیگر عہدے داران کے ہمراہ ربن کاٹ کر کیا۔افتتاحی تقریب میں معزز شخصیات،کھیلوں سے وابستہ افراد،مقامی عمائدین اور والی بال کے شائقین نے بڑی تعداد میں شرکت کی۔ٹورنامنٹ کے افتتاح کے موقع پر شاندار آتش بازی کا مظاہرہ کیا گیا،جبکہ ڈھول کی تھاپ نے تقریب کو مزید پُرجوش اور یادگار بنا دیا۔

تقریب کے دوران مہمانِ خصوصی ڈی ایس پی سرکل لیاقت پور فیاض خان پٹھان اور صدر مرکزی انجمن تاجران اللہ آباد رانا ذوالفقار احمد نے ٹورنامنٹ کے انعقاد کو خوش آئند قرار دیتے ہوئے کہا کہ کھیلیں صحت مند معاشرے کے قیام،نوجوانوں کی مثبت سرگرمیوں اور باہمی محبت و بھائی چارے کے فروغ میں اہم کردار ادا کرتی ہیں۔ایسے کھیلوں کے مقابلوں سے نوجوانوں کو اپنی صلاحیتیں منوانے کے مواقع ملتے ہیں اور علاقے میں کھیلوں کی سرگرمیوں کو فروغ حاصل ہوتا ہے۔ ان کا مزید کہنا تھا کہ مقامی سطح پر اس طرح کے ٹورنامنٹس کا انعقاد نہ صرف نوجوان کھلاڑیوں کی حوصلہ افزائی کرتا ہے بلکہ مختلف علاقوں کے کھلاڑیوں کو ایک دوسرے کے قریب لانے اور باہمی تعلقات کو مضبوط بنانے کا ذریعہ بھی بنتا ہے۔

انہوں نے ٹورنامنٹ آرگنائزر رانا فرحان احمد کی کاوشوں کو سراہتے ہوئے امید ظاہر کی کہ یہ ایونٹ کھیلوں کے فروغ کے لیے اہم ثابت ہوگا۔اس ایونٹ میں مہمانانِ اعزاز کے طور پر رانا افتخار خرم،رانا نومی، شیخ عادل ارشد،ایاز خان بلوچ،چوہدری بشیر احمد، ایم اے خالق بھٹی،سید ارسلان بخاری،خرم شہزاد، عامر لبانہ،سہیل احمد،جام شفیق احمد میتلا اور رئیس شہزاد احمد انچارج پولیس چوکی نے شرکت کی۔