متحدہ عرب امارات کے اجمل گروپ کی انویسٹمنٹ اور لشاری گروپ کے اشتراک سے چوک عباسیہ پر سٹیٹ آف دی آرٹ شاپنگ مال کے سنگ بنیاد کی تقریب
منصوبے کی سنگ بنیاد رکھنے کی تقریب کے مہمان خصوصی صاحبزادہ محمد عمر داؤد عباسی تھے جنہوں نے اجمل گروپ کے مالک محمد اجمل کو مبارک باد دی
ہاولپور +احمد پور شرقیہ +اوچشریف ( پ ر+سٹاف رپورٹر + کرائم رپورٹر ) متحدہ عرب امارات نے پاکستان کی تعمیر و ترقی میں ہمیشہ اہم کردار ادا کیا ہے۔موجودہ حکومت کی عوام دوست پالیسیوں کے باعث یو اے ای کے تاجران بھی پاکستان میں بڑی انویسٹمنٹ کرنے کے خواہاں ہیں۔احمد پور شرقیہ کے دل عباسیہ چوک پر یو اے ای کے اجمل گروپ کی بڑی انویسٹمنٹ سے سٹیٹ آف دی آرٹ شاپنگ مال تعمیر کیا جا رہا ہے۔جس میں دور جدید کی تمام سہولیات دستیاب ہوں گی۔
مقامی طور پر لشاری گروپ کے ساتھ جوائنٹ ایڈونچر کے ذریعے اس منصوبے کو مکمل کیا جائے گا۔۔منصوبے کی سنگ بنیاد رکھنے کی تقریب کے مہمان خصوصی نواب فیملی کے روح رواں صاحبزادہ محمد عمر داؤد عباسی تھے۔جنہوں نے اس منصوبے کو احمد پور شرقیہ کہ عوام کے لیے خوش آیند قرار دیا ہے۔اور اجمل گروپ کے مالک محمد اجمل کو مبارک باد دیتے ہوئے کہا کہ اس خطے کے ساتھ ان کی محبت کا یہ واضح ثبوت ہے کہ وہ یہاں پر یہ شاندار منصوبہ بنا رہے ہیں۔اجمل گروپ جیسے بڑے انویسٹر گروپ کی بہاولپور اور احمدپور میں انویسٹمنٹ سے لوگوں کو سہولیات کے ساتھ روزگار کے مواقع بھی میسر ائیں گے جس سے یہاں پر ترقی کی نئی راہیں کھلیں گی۔
اس موقع پر گفتگو کرتے ہوئے اجمل گروپ کے مالک ملک محمد اجمل کا کہنا تھا کہ اس خطے سے انہیں پیار ہے اور یہاں کے لوگوں کے لیے جو بھی وہ سہولیات فراہم کر سکیں اس کے لیے ہر ممکن اقدامات کریں گے۔تاکہ اس پسماندہ علاقے کو بھی ترقی یافتہ علاقوں کے برابر لانے میں اپنا حصہ ڈال سکیں۔۔اس موقع پر لشاری گروپ کے زبیر لشاری کا کہنا تھا کہ اجمل گروپ کے ساتھ کام کر کے وہ بہت خوش ہیں اور اس خطے کے لوگوں کے لیے بہترین منصوبہ لے کر ائے ہیں جس سے یہاں کے لوگوں کو تعمیر و ترقی کے نئے مواقع میسر ائیں گے۔۔تقریب میں عباس چوہدری, وسیم افتخار شاہ عمران عظمت ملک ارشد حسن قمر الحاج محمد حنیف سمیت شہریوں کی کثیر تعداد موجود تھی جنہوں نے اس منصوبے کو احمد پور شرقیہ سمیت دیگر علاقوں کے لیے ایک نعمت قرار دیا۔