صاحبزادہ گزین عباسی ان ایکشن،مارکیٹ کمیٹی غلہ منڈی روڈ کی ناقص سولنگ اکھاڑ کر دوبارہ نئی بچھانے کو یقینی بنایا
مقامی سیاسی رہنما سلیم خان نیازی کی شکایت پر صاحبزادہ محمد عمر عباسی نے اپنے بھتیجے صاحبزادہ گزین عباسی کو اُنکی ترقیاتی اسکیم میں اس گھپلے کانوٹس لینے کیلئے کہا تھا
صاحبزادہ گزین عباسی نے اسسٹنٹ کمشنر محمد نوید حیدر کی توجہ اس جانب مبذول کرائی جنہوں نے ٹھیکیدار کو سولنگ اکھاڑ کر اسے معیاری میٹریل کے ساتھ بچھانے کا حکم جاری کیا
احمد پور شرقیہ(سٹاف رپورٹر) صوبائی پارلیمانی سیکرٹری صاحبزادہ محمد گزین خان عباسی ایم پی اے کی ہدایت پر اسسٹنٹ کمشنر احمد پور شرقیہ محمد نوید حیدر نے مارکیٹ کمیٹی دفتر غلہ منڈی روڈ کے سڑک کے دونوں اطراف لگائی جانی والی سولنگ میں پرانی اینٹوں کا ٹوٹا لگانے کا سختی سے نوٹس لیتے ہوئے ٹھیکیدار کو اسے اکھاڑ کر نئی سولنگ سڑک بچھانے کا حکم جاری کر دیا جس کی نگرانی صوبائی پارلیمانی سیکریٹری کے پرسنل اسسٹنٹ محمد صدیق خان کر رہے ہیں –
تفصیلات کے مطابق مقامی معروف سماجی و سیاسی رہنما محمد سلیم خان نیازی نے غلہ منڈی میں ٹھیکیدار کی مبینہ بے قاعدگیوں اور بےضابطگیوں سے صاحبزادہ محمد عمر داؤد خان عباسی کو مطلع کیا تھا جنہوں نے فی الفور اپنے بھتیجے صاحبزادہ محمد گزین عباسی کی توجہ منظور کرائی ،صوبائی پارلیمانی سیکریٹری نے اس سلسلے میں اسسٹنٹ کمشنر کو ہدایات جاری کیں- ادھر رکن صوبائی اسمبلی کی نگران ٹیم کے سرگرم قائد محمد سلیم خان نیازی نے شہریوں سے اپیل کی ہے کہ وہ شہر بھر میں صاحبزادہ محمد گزین عباسی کے جاری ترقیاتی اسکیموں پر نظر رکھیں اور ناقص میٹریل کے استعمال کے بارے میں فوراً اطلاع دیں تاکہ عوامی سرمایہ سے معیاری ترقیاتی منصوبوں کی تکمیل یقینی بنائی جا سکے