آر پی او شیر اکبر کی بغدادالجدیدکی فارمل انسپکشن

بہاولپور: آر پی او شیر اکبر نے بغدادالجدید کی فارمل انسپکشن کی۔ انسپکشن کے دوران تھانہ کے ریکارڈ،رجسٹرز اور کرائم کا معائنہ کیا انہوں نے تھانہ کے فرنٹ ڈیسک کی پڑتال کی،تھانہ میں موجود رجسٹرھائے کی روزانہ کی بنیاد پر تکمیل کرنے اور تمام ریکارڈ کوآن لائن اپ ٹو ڈیٹ رکھنے کی ہدایت کی۔آر پی او نے تھانہ کے افسران و اہلکاران سے بھی میٹنگ کی،میٹنگ کے دوران انہوں نے کہا کہ تھانہ میں آنے والے شہریوں کے ساتھ نرمی سے پیش آئیں۔ انصاف کی فراہمی ہماری اولین ترجیح ہے۔خواتین کو لیڈیز پولیس آفیسرز ڈیل کریں،تھانہ کا ماحول ایسا ہونا چاہیے کہ متاثرین یہاں آ کر خود کو محفوظ سمجھیں۔آر پی او نے مزید کہا کہ ہمارے بنیادی مقاصد میں سے ایک یہ بھی ہے کہ سفارش سے ہونے والے ناجائز کاموں کا خاتمہ کیا جائے۔ پولیس کا شعبہ امن و امان کا ضامن ہے اور کسی بھی مشکل میں عوام پولیس سے ہی امید رکھتی ہے۔متاثرین انصاف،تحفظ اورمدد کے لیے تھانہ میں ہمارے پاس آتے ہیں،ان کو مایوس نہ ہونے دیں اور اپنے اختیارات کا جائز استعمال کرتے ہوئے انہیں ریلیف دیں۔ عوام کی خدمت اور اپنا فرض احسن طریقے سے سرانجام دینے کے لیے محنت اور ایمانداری سے کام کریں۔