کچے کے ڈاکوؤں کے خلاف مؤثر اقدامات اورامن و امان کی صورتحال، پولیس کی کارروائیوں اور مستقبل کی حکمت عملی کا جائزہ
کمشنر بہاولپور مسرت جبیں اور ریجنل پولیس آفیسر غازی صلاح الدین نے ڈپٹی کمشنر رحیم یارخاں ظہیر انور جپہ سے کمشنر آفس بہاول پور سے ویڈیو لنک پر میٹنگ کی۔
ا
بہاول پور:کمشنر بہاولپور ڈویژن مسرت جبیں اور ریجنل پولیس آفیسر غازی صلاح الدین نے ڈپٹی کمشنر رحیم یارخاں ظہیر انور جپہ سے کمشنر آفس بہاول پور سے ویڈیو لنک پر میٹنگ کی۔میٹنگ کے دوران کچے کے ڈاکوؤں کے خلاف مؤثر اقدامات اورامن و امان کی صورتحال، پولیس کی کارروائیوں اور مستقبل کی حکمت عملی کا جائزہ لیا گیا۔
کمشنر بہاولپور ڈویژن مسرت جبیں نے کچے کے علاقوں میں جرائم کے خاتمے کے لیے تمام دستیاب وسائل بروئے کار لانے کی ہدایت کی اور قانون نافذ کرنے والے اداروں کے باہمی تعاون پر زور دیا۔انہوں نے کہا کہ عوام کے جان و مال کے تحفظ کو یقینی بنانے کے لیے کچے کے ڈاکوؤں کے خلاف بلاامتیاز کارروائیاں جاری رکھی جائیں گی۔ڈپٹی کمشنر رحیم یارخاں ظہیر انور جپہ نے ویڈیو لنک اجلاس میں کمشنر بہاول پور کو بتایا کہ ضلع رحیم یارخاں کی تمام فورس کچے کے ڈاکوؤں کے خلاف کارروائی اور امن و امان کی صورت حال کو یقینی بنانے کے لیے متحرک ہے۔