اکنامسٹ انٹیلی جنس یونٹ نے گلوبل لیو ایبلٹی انڈیکس 2023 کی نئی رپورٹ جاری کردی
کراچی(پی پی آ ئی)اکنامسٹ انٹیلی جنس یونٹ نے گلوبل لیو ایبلٹی انڈیکس 2023 کی نئی رپورٹ جاری کردی، فہرست میں آسٹریا کے شہر ویانا کو رہائش کیلئے دنیا کا بہترین شہر قراردیا گیا ہے۔ڈنمارک کا شہر کوپن ہیگن دوسرے نمبرپر آیا، بہترین 10 شہروں میں ایشیا سے صرف جاپان کا شہر اوساکا شامل ہوسکا جبکہ بنگلا دیشں کا دارالحکومت 166ویں نمبر پر آیا۔بھارت کے پانچ شہر اس فہرست میں شامل ہیں لیکن کوئی بھی شہر 100 بہترین شہروں میں نہ آسکا۔کراچی بھی آخری پانچ نمبروں پر رہا اور 173ممالک میں سے 169 واں درجہ حاصل کرسکا۔ اکنامسٹ انٹیلی جنس یونٹ کے انڈیکس میں شہروں کی درجہ بندی پانچ شعبوں میں کارکردگی کو مدنظر رکھتے ہوئے کی گئی ہے جن میں استحکام، صحت کی دیکھ بھال، تعلیم، ثقافت اور ماحولیات، اور بنیادی انفراسٹرکچر شامل ہیں۔
