یونیورسٹی کالج آف آرٹ اینڈ ڈیزائن اسلامیہ یونیورسٹی کے ڈرائنگ اسٹوڈیو میں مسخا کے عنوان سے تخلیقی فنون کی نمائش
ڈرائنگ اسٹوڈیو کی دیواروں پر معروف مصور اور فیکلٹی ممبر علی نعیم کی خوبصورت ڈرائنگز کی نمائش کی گئی
نمائش کا افتتاح وائس چانسلر اسلامیہ یونیورسٹی بہاولپور پروفیسر ڈاکٹر محمد کامران نے کیااور آرٹسٹ کے تخلیقی کام کو سراہا
یونیورسٹی کالج آف آرٹ اینڈ ڈیزائن اسلامیہ یونیورسٹی آف بہاولپور کے ڈرائنگ اسٹوڈیو میں مسخا کے عنوان سے تخلیقی فنون کی نمائش منعقد ہوئی ۔ اس موقع پر ڈرائنگ اسٹوڈیو کی دیواروں پر معروف مصور اور فیکلٹی ممبر علی نعیم کی خوبصورت ڈرائنگز کی نمائش کی گئی۔ نمائش کا افتتاح وائس چانسلر اسلامیہ یونیورسٹی بہاولپور پروفیسر ڈاکٹر محمد کامران نے کیااور آرٹسٹ کے تخلیقی کام کو سراہا۔یہ نمائش عصری آرٹ میں ڈرائنگ کے ابھرتے ہوئے کردار کی عکاسی کرتی ہے۔ اس نمائش کے انعقاد میں گورنمنٹ صادق کالج ویمن یونیورسٹی بہاولپور کی آرٹ ایجوکیٹر ناجیہ سرور نےخصوصی معاونت کی۔ اس موقع پر ڈین فیکلٹی آف آرٹس اینڈ لینگوئجز پروفیسر ڈاکٹر سید عامر سہیل موجود تھے۔ پرنسپل یونیورسٹی کالج آف آرٹ اینڈ ڈیزائن ڈاکٹر فرحانہ الطاف قریشی نے اس سرگرمی کی نگرانی کی اور علی نعیم کی غیر معمولی فنکارانہ صلاحیتوں کو سراہا۔