راؤ عمر دراز کی اقامت گاہ پر ولی عہد پرنس بہاول عباس خان عباسی کی آمد راؤ برادری کی جانب سے بھرپور تعاون کی یقین دہانی کرا دی گئی
اوچ شریف( نامہ نگار) آزاد امیدوار قومی اسمبلی این اے 166 پرنس بہاول عباس خان عباسی کی حمایت میں برابر اضافہ ہو رہا ہے اور اور ہر شعبہ زندگی سے تعلق رکھنے والے افراد اب ان کی حمایت میں کھل کر سامنے آ گئے ہیں – تازہ ترین اطلات کے مطابق اوچشریف کی راؤ برادری نے بھی آزاد امیدوار قومی اسمبلی پرنس بہاول عباس خان عباسی کی حمایت کا اعلان کر دیا – پرنس بہاول خان عباسی باسی آج راؤ عمر دراز کی اقامت گاہ پر گئے جہاں آٹھ فروری کے انتخابی معرکے میں انہیں بھرپور تعاون کی یقین دھانی کرائی گئی- راؤ برادری کی سرکردہ شخصیات اس موقع پر موجود تھیں جنہوں نے قیام پاکستان کے وقت ہندوستان سے ہجرت کر کے پاکستان آنے والے مہاجرین کے ساتھ نواب سر صادق محمد خان عباسی کے حسن سلوک پر انہیں شاندار خراج عقیدت پیش کرتے ہوئے کہا کہ وہ ان کے پڑپوتے پرنس بہاول عباس خان عباسی کو عام انتخابات میں انشاء اللہ کامیاب کرا یں گے
پرنس بہاول عباسی نے راؤ برادری کے تعاون کی یقین دہانی پر ان سے اظہار تشکر کیا مخدوم زادہ سید احسن گیلانی مخدوم زادہ سید عثمان گیلانی ڈاکٹر ملک فیاض محمود اعوان ،یحییٰ خان کلاچی، شہزاد سہیل خان ان کے ہمراہ تھے
