ایران نے امریکا کے ساتھ پیغامات کا تبادلہ معطل کر دیا، مذاکرات سے انکار

ایرانی حکام کا لبنان کے مبینہ مقبوضہ علاقوں سے اسرائیل کے مکمل انخلا کا مطالبہ

تہران: ایرانی میڈیا کے مطابق ایران نے احتجاجاً امریکا کے ساتھ پیغامات کے تبادلے کا عمل روک دیا ہے۔– رپورٹس کے مطابق ایرانی حکام نے غزہ اور لبنان میں اسرائیلی فوجی کارروائیوں کی شدید مذمت کرتے ہوئے کہا ہے کہ جب تک اسرائیلی فوج لبنان اور غزہ سے انخلا نہیں کرتی، اس وقت تک کسی قسم کے مذاکرات نہیں ہوں گے۔

ایرانی حکام نے لبنان کے مبینہ مقبوضہ علاقوں سے اسرائیل کے مکمل انخلا کا مطالبہ بھی کیا ہے، موجودہ صورتحال میں مذاکرات کا کوئی امکان نہیں اور اسرائیل و اس کے حامیوں کو اپنے اقدامات پر جوابدہ بنایا جائے گا۔ ایرانی میڈیا کے مطابق حکام نے یہ بھی دعویٰ کیا ہے کہ آبنائے ہرمز کو مکمل طور پر بند کرنے کا فیصلہ کر لیا گیا ہے۔ تاہم آبنائے ہرمز کی بندش جیسے اہم دعوے کی آزاد ذرائع سے تصدیق ضروری ہے، کیونکہ اس نوعیت کے اقدامات کے عالمی توانائی منڈیوں اور بین الاقوامی تجارت پر وسیع اثرات مرتب ہو سکتے ہیں۔