عظمی بخآری نے یپرا رولز کے تحت اخبارات کو ٹینڈر نوٹس کی معطلی کا فیصلہ واپس لینے اور دوبارہ سے ٹینڈر نوٹس جاری کرنے کا اعلان کردیا
وزیر اعلی پنجاب مریم نواز شریف ایسی کوئی پالیسی نہیں چاہتیں جس سے اخباری صنعت کو نقصان ہو اخبارات کو موجودہ حکومت کے دور کی ایک ارب اٹھارہ کروڑ کی ادائیگیاں کی جاچکی ہیں
اے پی این ایس کی ایگزیکٹو کمیٹی کی وزیر اطلاعات پنجاب عظمی بخآری سے ملاقات۔وزیر اطلاعات نے اخباری صنعت کے مسائل حل کروانے کی یقین دہانی کروا دی
لاہور۔ اے پی این ایس کی ایگزیکٹو کمیٹی کی وزیر اطلاعات پنجاب عظمی بخآری سے ملاقات۔ وزیر اطلاعات پنجاب عظمی بخآری نے اخباری صنعت کے مسائل حل کروانے کی یقین دہانی کروا دی۔ اخبارات کو ٹینڈر نوٹس کے اجراء کی بحالی کا اعلان کرتے ہوئے کہا کہ اخبارات کو موجودہ حکومت کے دور کی ایک ارب اٹھارہ کروڑ کی ادائیگیاں کی جاچکی ہیں۔ زیر التوا ادائیگیاں بھی جلد کردی جائیں گئیں۔ وزیر اعلی پنجاب مریم نواز شریف ایسی کوئی پالیسی نہیں چاہتیں جس سے اخباری صنعت کو نقصان ہو
اے پی این ایس کی ایگزیکٹو کمیٹی کا اجلاس جمعہ کے روز لاہور کے مقامی ہوٹل میں ہوا جس میں وزیر اطلاعات پنجاب عظمی بخآری نے خصوصی شرکت کی۔ سیکرٹری اطلاعات پنجاب اور ڈی جی پی آر بھی اس موقع پر موجود تھے۔ وزیر اطلاعات پنجاب عظمی بخآری نے ایگزیکٹو کمیٹی کو یقین دہانی کروائی کہ وزیر اعلی پنجاب مریم نواز شریف نے اخباری صنعت کو درپیش مسائل حل کرنے کا کہا ہے۔ عظمی بخاری نے کہا کہ پیپرا رولز کے تحت اخبارات کو ٹینڈر نوٹس کی معطلی کا فیصلہ واپس لینے اور دوبارہ سے ٹینڈر نوٹس جاری کرنے کا اعلان کردیا۔ وزیر اعلی پنجاب مریم نواز کو اخباری صنعت کے مسائل کا علم ہے اور وہ اس پر گہری نظر رکھے ہوئے ہیں۔ وزیر اعلی پنجاب اخباری صنعت کی ترویج کی حامی ہیں۔ عظمی بخآری نے کہا کہ اخبارات کو ایک ارب 18 کروڑ کی ادائیگیاں کی جاچکی ہیں۔اخبارات کی زیر التوا ادائیگیاں بھی جلد کردی جائیں گئیں۔ عظمی بخآری نے اخبارات کو ادائیگی کا پرانا طریقہ کار بحال کرنے کی یقین دہانی کرائی اور کہا کہ حکومت پنجاب طویل المعیاد جامع میڈیا پالیسی بنا رہی ہے۔ اے پی این ایس نے اخباری صنعت کے مسائل حل کرنے پر وزیر اعلی پنجاب مریم نواز کا شکریہ ادا کیا۔