پنجاب حکومت کا اوچ شریف میں مقامی ہنرمندوں کو روزگار کی فراہمی کے لیے کرافٹ بازار قائم کرنے کا فیصلہ

آثار قدیمہ اور اولیائے کرام کے مزارات کی تزئین وآرائش اور زائرین کے لیے جدید سہولیات کی فراہمی کے لیے 63 کروڑ روپے سے زائد لاگت کے ترقیاتی منصوبوں کی منظوری

اوچ شریف (کرائم رپورٹر) پنجاب حکومت کا اوچ شریف میں مقامی ہنرمندوں کو روزگار کی فراہمی کے لیے کرافٹ بازار قائم کرنے کا فیصلہ، آثار قدیمہ اور اولیائے کرام کے مزارات کی تزئین وآرائش اور زائرین کے لیے جدید سہولیات کی فراہمی کے لیے 63 کروڑ روپے سے زائد لاگت کے ترقیاتی منصوبوں کی منظوری،

تفصیلات کے مطابق پنجاب حکومت نے سیاحتی ترقیاتی اقدامات کے تحت اوچ شریف میں   آثار قدیمہ اور بزرگان دین کے مزارات کی تزئین و آرائش اور بحالی، ملحقہ مساجد کی تعمیر و مرمت اور زائرین کے لیے جدید سہولیات کی فراہمی کے لیے 63 کروڑ روپے سے زائد لاگت کے ترقیاتی منصوبوں کی منظوری دے دی ہے،  ذرائع کے مطابق اس سلسلے میں اوچ شریف میں 9 مزارات کو ملانے والی سڑک پر ٹائلز نصب کی جائیں گی جب کہ مقامی ہنر مندوں کو روزگار کی فراہمی کے لیے کرافٹ بازار بھی قائم کیا جائے گا۔پنجاب حکومت کی طرف سے سیاحتی ترقیاتی اقدامات کا جائزہ لینے کے لیے گزشتہ دنوں  کمشنر بہاول پور ڈویژن مسرت جبیں نےاوچ شریف کا خصوصی دورہ بھی کیا تھا اور متعلقہ حکام سے مذکورہ منصوبوں کے حوالے سے بریفنگ لی تھی