عمران خان اور بشریٰ بی بی کے کیس میں سزادینا قانون کےساتھ مذاق ہے حافظ مظفر کریم مغل ایڈووکیٹ

عمران خان جیل کی کالی کوٹھڑی سے باعزت بری ہوکر رہاہوجائیں گے تحصیل صدر پی ٹی آئی کی صحافیوں سے گفتگو

احمد پورشرقیہ : پی ٹی آئی کے تحصیل صدر حافظ مظفر کریم مغل ایڈووکیٹ نے صحافیوں سے گفتگو کرتے ہوئے کہا کہ بانی پی ٹی آئی عمران خان  اور بشریٰ  بی بی کے کیس میں سزادینا قانون کےساتھ مذاق ہے جس شخص نے ملک کو ولڈکپ جتوایا اور دنیا بھر کی عیش وآرام کو چھوڑ کر اور اپنااثاثہ ملک پاکستان میں لایا اور ملک کی ترقی وخوشحالی کے لئے جہدوجہد کی

عوام کی طاقت سے ملک کے وزیراعظم بنے اقوام متحدہ میں پوری دنیا کے مسلمانوں کا مقدمہ لڑا کفر کو للکارا جس کی وجہ سے ملک دشمن عناصر نے سازش کے تحت من گھڑت بےبنیاد کیسز بناکر بانی پی ٹی آئی کو گرفتار کیا اور اس دن سے قید میں رہ کر اپنی آزادی کی پروانہ کئے بغیر ملک کے روشن مستقبل کی خاطر لاکھ حکومتی کوششوں کے باوجود کسی قسم کی  کوئی ڈیل نہ کی بلکہ تمام کیسوں کا ڈٹ کر قانونی طریقے سے اپنی بیگناہی ثابت کرنے کو ترجیی دی – اُنہوں نے مزید کہا کہ اس فیصلے کو چیلنج کیاجائے گا جہاں بانی پی ٹی آئی عمران خان اور خاتون اول  بشریٰ  بی بی کی  سزائیں کو  کالعدم قرار دی جانے کی استدعا کی جائیں گی اس طرح عمران خان جیل کی کالی کوٹھڑی سے باعزت بری ہوکر رہاہوجائیں گے اور ایک بار پھر ملک کے وزیر اعظم بن کر ملک کوریاست مدینہ بناکر ملک کی  ترقی وخوشحالی کانیا سنہرا دور لائیں گے