پاکستان تحریک انصاف تحصیل کے صدر ملک مظفر کریم کی ساتھیوں سمیت صوابی کے بڑے جلسہ عام میں شرکت
آٹھ فروری 2024 کو پی ٹی آئی کے مینڈیٹ پر ڈاکہ ڈالا گیا جس کے خلاف پوری قوم آج سراپا احتجاج ہے مستقبل عمران خان کا ہے
بانی پی ٹی آئی جلد رہا ہو کر دوسری مرتبہ زمام اقتدار سنبھالیں گے ملک مظفر کریم کی صوا بی میں گفتگو،عمران خان کی قیادت پر اعتماد کا اظہار کیا
احمر پور شرقیہ( سٹاف رپورٹر) پاکستان تحریک انصاف تحصیل احمد پور شرقیہ کے صدر ملک مظفر کریم ایڈووکیٹ نے آٹھ فروری کو صوابی خیبر پختونخواہ میں پاکستان تحریک انصاف کے جلسہ عام میں اپنے ساتھیوں سمیت شرکت کی- انہوں نے اس موقع پر گفتگو کرتے ہوئے کہا کہ آٹھ فروری 2024 کو پاکستان تحریک انصاف کے مینڈیٹ کو چوری کیا گیا پوری پاکستانی قوم آج ایک برس بعد بھی اس انتخابی دھاندلی کے خلاف سراپا احتجاج ہے -ملک مظفر کریم نے مزید کہا کہ پاکستان کے کروڑوں عوام عمران خان کی ولولہ انگیز گیز قیادت پر بھرپور اعتماد رکھتے ہیں انشاءاللہ عمران خان جلد جیل سے رہا ہوں گے اور ایک بار پھر ملک کی زمام اقتدار سنبھالیں گے -انہوں نے کہا کہ صوابی جلسہ عام میں لاکھوں عوام کی شرکت نے ایک بار پھر ثابت کر دیا ہے کہ پاکستان بھر کے عوام کا حقیقی لیڈر صرف عمران خان ہے