پروفیسر ڈاکٹر احمد عباس نے پی ایچ ڈی کا مقالہ حضرت مخدوم جہانیاں جھان گشت کے ملفوظات پر مشتمل کتاب خزانہ جلالیہ کی تصحیح مقدمہ کے عنوان سے مکمل کیا
مقالہ نگار صدر شعبہ فارسی سول لائنز کالج ملتان نے صاحب کتاب اور حضرت سید شیر شاہ جلال الدین بخاری کے مزارات پر حاضری دی نیز تھیسز کی ہارڈ کاپی خلیفہ شمیم عباس کو لائبریری کے لیے پیش کی
احمدپورشرقیہ/اوچ شریف(پ ر ) صدر شعبہ فارسی سول لائنز کالج ملتان کے پروفیسر ڈاکٹر احمد عباس نے اسلامیہ یونیورسٹی بہاولپور باکستان سے ڈاکٹریٹ (پی ایچ ڈی ) کا مقالہ برصغیر کے معروف عالم و روحانی ہستی حضرت سید جلال الدین حسین حسینی بخآری جو مخدوم جہانیاں جھان گشت رح (متوفی 785ھجری )کے نام سے پہچانے جاتے ہیں کے ملفوظات پر مشتمل کتاب خزانہ جلالیہ کی تصحیح مقدمہ کے عنوان سے مکمل کیا۔ مقالہ نگار نے صاحب کتاب کے مزار اوچ شریف،دادا جان حضور حضرت سید شیر شاہ جلال الدین حسین حیدر سرخ پوش بخاری رحمتہ اللہ علیہ درگاہ شریف،قدم مبارک حضرت مولا علی علیہ السلام،روضہ بی بی جند وڈی پر حاضری دی اور تھیسز ہارڈ کاپی بطور تحفہ لائیبریری و ریسرچ اکیڈمی مخدوم سید جلال الدین حسین جہانیاں جہاں گشت بخاری رح خلیفہ شمیم عباس شجراء نویس کو پیش کی۔
مقالہ نگار پروفیسر ڈاکٹر احمد عباس سے گفتگو میں پروفیسر ڈاکٹر محمد الطاف ڈاھر جلالوی نے کہا کہ اوچ مکہ است مثال مدینہ دان آہستہ پا بنہ کہ ملک سجدہ می کنند۔اوچ پاک سرائیکی دھرتی تصوف،امن و رواداری کی خوبصورت دانش وعرفان گاہ ہے۔موجودہ عہد میں فلسفہ جلال احترام انسانیت و برداشت کو عام کرنے کے لیے حضرت سید شیر شاہ جلال الدین حسین حیدر سرخ پوش بخاری رح صوفی ازم اینڈ آرکیالوجی سائنس یونیورسٹی اوچ شریف وقت کی اہم ضرورت ہے۔اس پر تمام ادبیوں نے تائید کی۔بزرگوں کے آستانے اور تعلیمات لوگوں کے لیے رشدوہدایت کے روحانی مکتب ہیں۔اس موقع پر پروفیسر قیصر عباس،پروفیسر اسد علی،سندھ کے مہمان شاعرخلیل کمہار،میڈم کائنات،پروفیسرحیدر رضا انجم،صاحبزادہ سید نجیب علی بخاری،صاحبزادہ سید ریاض جہانیاں بخاری،خلیفہ ملک اشفاق چنڑ،مجاور محمد صابر،سلیم حیدر،نوید ہاشمی علوی،صابر علی کے ساتھ دیگر عقیدت مند بھی موجود تھے۔