ڈاکٹر کا پیشہ انسانیت کی خدمت کا درس دیتا ہے، پرنسپل قائداعظم میڈیکل کالج پروفیسر ڈاکٹر صوفیہ فرخ کا یوم آزادی کی پر وقار تقریب میں اظہار خیال

بہاول پور:16 اگست جذبہ ایثار اپنا کرملک وملت کی خدمت کریں ڈاکٹر کا پیشہ انسانیت کی خدمت کا درس دیتا ہے۔یوم آزادی کے موقع پر تجدیدِ عہد کریں کہ ایک مسیحا کی حیثیت سے دکھی مریضوں کے علاج معالجہ میں کوئی کسر اٹھا نہیں رکھیں گے۔ ان خیالات کا اظہار پرنسپل قائد اعظم میڈیکل کالج پروفیسر ڈاکٹر صوفیہ فرخ نے یومِ آزادی کی مناسبت سے آ ڈیٹوریم میں منعقدہ ایک پر وقار تقریب میں کیا۔ڈاکٹر صوفیہ فرخ نے کہا کہ پاکستان اسلام کے سنہری اصولوں کی بنیاد پر معرض وجود میں آیا تھا۔ اپنے ملک سے محبت کرنا عین عبادت ہے۔ انہوں نے کہا کہ قیام پاکستان میں ہمارے آباؤ اجداد کا گراں قدر خون بھی شامل ہے۔ اولین تقاضہ ہے کہ ہمیں ایمانداری اور دیانتداری سے ملک وقوم کی خدمت کرنی چاہیے۔ انہوں نے تقریب سے قبل کالج کے احاطہ میں قومی پرچم لہرایا غبارے اور کبوتر فضامیں چھوڑے۔ڈاکٹر صوفیہ فرخ نے اس موقع پر کالج کے سبزہ زار میں پودا بھی لگایا۔ یوم آزادی کے موقع پر قائد اعظم میڈیکل کالج کی عمارت کو شاندار رنگ برنگے برقی قمقموں سے بھی سجایا گیا۔ تقریب میں پروفیسر ڈاکٹر مظہر فیض عالم،پروفیسر ڈاکٹر عارف زیدی، پروفیسر ڈاکٹر محمد ناصر علی،پروفیسر ڈاکٹر طلحہ نعیم چیمہ،پروفیسرڈاکٹر صباحت گل،پروفیسر ڈاکٹر واجد خورشید سپرا،پروفیسر ڈاکٹر مسعود اختر،ایم ایس کارڈیک سنٹر ڈاکٹر احسن فردوس،ڈاکٹر شاہ رخ قیوم،ڈاکٹر فخر عباس،ڈاکٹر محمد اعجاز،ڈاکٹر مقبول ایبک، ڈاکٹر وجاہت حسین،میڈیا فوکل پرسن ڈاکٹر احمد حسین کلاسرا،آفس سپرنٹنڈنٹ قائد اعظم میڈیکل کالج حافظ محمد امتیاز،زیر تعلیم طلباء وطالبات، نرسنگ سٹاف،سٹوڈنٹس،پیرامیڈیکس، بی وی ہسپتال اورکیو ایم سی کے ملازمین نے بھرپور شرکت کی۔ بعد ازاں پرنسپل کیو ایم سی ڈاکٹر صوفیہ فرخ نے میڈیکل سپرنٹنڈنٹ پرویز الٰہی انسٹیٹیوٹ آف کارڈیالوجی ڈاکٹراحسن فردوس و دیگر ڈاکٹرز کے ساتھ کارڈیک کمپلیکس میں زیر علاج مریضوں میں مٹھائی تقسیم کی اور خیریت دریافت کی۔