پرنس بہاول عباسی کی قاضی عدنان فرید کے سسر محترم خواجہ محمد قدیر کے انتقال پر تعزیت 

 ولیعہد امیر آف بہاولپور نے خواجہ محمد قدیر مرحوم کے ایصال ثواب کے لئے فاتحہ خوانی کی اور سوگوار خاندان کے صبر جمیل کیلئے دعا کی

احمد پور شرقیہ( سٹاف رپورٹر)ولی عہد پرنس بہاول عباس خان عباسی آج پاکستان مسلم لیگ ن کے ضلعی سینئر نائب صدر اور سابق رکن پنجاب اسمبلی قاضی عدنان فرید کی اقامت گاہ پر آئے جہاں انہوں نے ان سے ان کے سسر محترم خواجہ محمد قدیر کے کراچی میں انتقال پر تعزیت کی -انہوں نے اس موقع پر سوگوار خاندان کے لیے اپنی دلی ہمدردی کا اظہار کیا اور خواجہ قدیر مرحوم کے ایصال ثواب کے لیے فاتحہ خوانی اور پسماندگان کے صبر جمیل کے لیے خصوصی دعا کی