پرنس بہاول خان عباسی کی میئر میونسپل کارپوریشن عقیل نجم ہاشمی کے والد کے انتقال پرتعزیت
امیر آف بہاول پور کے ولی عہد نے میئر عقیل نجم ہاشمی کے والد مرحوم کے ایصال ثواب کے لئے فاتحہ خوانی کی
میئر کارپوریشن کے دفتر سے روانگی کے وقت ملازمین نے پرنس بہاول عباسی پر گل پاشی کر کے ان سے عقیدت کا اظہار کیا
بہاول پور(نامہ نگار) امیر آف بہاول پور کے ولی عہد پرنس بہاول عباس خان عباسی نے میئر میونسپل کارپوریشن بہاول پور عقیل نجم ہاشمی سے ان کے والد کے انتقال پر تعزیت کی اور مرحوم کے ایصال ثواب کے لئے فاتحہ خوانی کی،بعد ازاں میئر میونسپل کارپوریشن کے دفتر میں متعدد کونسلروں اور دیگر شہریوں نے پرنس بہاول خان عباسی سے ملاقات کی اور ان کے لئے اپنی نیک خواہشات کا اظہار کیا۔
میئر میونسپل کارپوریشن کے دفتر سے روانگی کے وقت میونسپل کارپوریشن کے ملازمین کی بڑی تعداد جمع ہو گئی،جنہوں نے پرنس بہاول عباس خان عباسی پر گل پاشی کی اور ان سے اپنی عقیدت ومحبت کا اظہار کیا۔
