محمد اکمل شیخ اور سول سوسائٹی نیٹ ورک کے جنرل سیکرٹری عمر خورشید سہمن نے پرنس بہاول عباسی سے مقامی مسائل پر تبادلہ خیال کیا
سول سوسائٹی نیٹ ورک کے جنرل سیکرٹری عمر خورشید سہمن نے اپنی تنظیم کی سماجی خدمات کے حوالے سے پرنس بہاول عباسی کو بریفنگ دی
اوچشریف(نامہ نگار) مرکزی انجمن تاجران اوچشریف کے صدر محمد اکمل شیخ کی دعوت پر امیر آف بہاول پور نواب صلاح الدین عباسی کے ولی عہد پرنس بہاول عباس خان عباسی،علی حمزہ پٹرولیم سروس پر گئے،جہاں سول سوسائٹی نیٹ ورک کے جنرل سیکرٹری عمر خورشید سہمن بھی موجود تھے،محمد اکمل شیخ اور عمر خورشید سہمن نے اس ملاقات میں پرنس بہاول عباس خان عباسی سے صوبائی حلقہ پی پی 254 کو درپیش مسائل اور مقامی سیاسی صورتحال کے حوالے سے تبادلہ خیال کیا۔سول سوسائٹی نیٹ ورک کے جنرل سیکرٹری عمر خورشید سہمن نے اپنی تنظیم کی سماجی خدمات کے حوالے سے پرنس بہاول خان عباسی کو بریفنگ دی،جب کہ مرکزی انجمن تاجران کے صدر محمد اکمل شیخ نے ولی عہد بہاول پور کو انجمن تاجران کی کارگزاری اور اس کے مستقبل کے لئے منصوبہ بندی کے بارے میں بتایا۔محمد اکمل شیخ اور عمر خورشید سہمن کی پرنس بہاول عباس خان عباسی سے ملاقات نصف گھنٹہ تک جاری رہی،جو انتہائی خوش گوار ماحول میں ہوئی۔قبل ازیں پرنس بہاول عباسی نے گلستان مہر زرعی ماڈل فارم پر شجر کاری مہم کا افتتاح کیا تھا اور معروف دینی شخصیت پیر سید محمد شاہ جرار سے ان کے بھانجے کے انتقال پر تعزیت کی تھی۔
