پرنس بہاول عباسی کی عوامی رابطہ مہم جاری، شہزاد سہیل خاکوانی کی دعوت پر شالیمار ٹاون کا وزٹ

امیر آف بہاول پور کے ولی عہد نے مخدوم حسنین عسکری کے ہمراہ حاجی ریاض حسین کے انتقال پر بھی سوگوار خاندان سے تعزیت کی

شہزاد سہیل خان خاکوانی اور ان کے لیگی ساتھیوں نے پرنس بہاول عباسی سے بلدیاتی وعام انتخابات کے حوالے سے تبادلہ خیال کیا اور اپنی تجاویز پیش کیں

احمد پورشرقیہ(نامہ نگار) امیر آف بہاول پور نواب صلاح الدین عباسی کے ولی عہد پرنس بہاول عباس خان عباسی،اگلے روز مسلم لیگ ن کے تحصیل صدر شہزاد سہیل خان خاکوانی کی دعوت پر ان کی اقامت گاہ شالیمار ٹاون گئے،جہاں انہوں نے اور ان کے ساتھیوں نے پرنس بہاول عباس خان عباسی سے علاقائی وملکی سیاسی صورتحال، بلدیاتی اور عام انتخابات کے حوالے سے تبادلہ خیال کیا۔قبل ازیں پرنس بہاول عباسی سابق سٹی ناظم ٹو مخدوم سید حسنین عسکری کے ہمراہ شیعہ رہنما اور سابق صدر صرافہ ایسوسی ایشن حاجی ریاض حسین کے انتقال پر تعزیت کے لئے ان کی اقامت گاہ محلہ سرور شاہ گئے،جہاں انہوں نے حاجی ریاض حسین مرحوم کے ایصال ثواب کے لئے فاتحہ خوانی کی اور سوگوار خاندان سے اپنے دلی رنج وغم کا اظہار کیا۔