ولیعہد بہاولپور نے گاؤشالہ پہنچ کر سابق کونسلر چوہدری جمیل کمبوہ سے ان کے نوجوان صحافی بیٹے عارف جمیل کمبوہ کے انتقال پر دلی افسوس کا اظہار کیا اور مرحوم کے ایصال ثواب کے لیے فاتحہ خوانی کی انجمن تاجران کے صدر شیخ محمد اقبال کے رحلت کر جانے پر بھی حمزہ ٹاؤن میں ان کے بھائیوں سے تعزیت کی
پرنس بہاول خان عباسی محمود کالونی بھی گئے جہاں انہوں نے نوجوان صحافی کامران طلال کے پانچ سالہ بھتیجے کے اغوا اور قتل پر سوگوار خاندان سے دلی دکھ اور افسوس کا اظہار کیا
احمد پور شرقیہ( نامہ نگار) امیدوار قومی اسمبلی این اے 166 پرنس بہاول عباس خان عباسی کی عوامی رابطہ مہم تیزی سے جاری ہے – وہ ایک طرف صادق گڑھ پیلس کے دفتر میں روزانہ عام لوگوں سے ملاقات کر کے ان ان سے رابطہ استوار رکھے ہوئے ہیں جبکہ دوسری طرف ہر عام و خاص کی خوشی غمی میں برابر شریک ہو رہے ہیں – پرنس بہاول عباسی گزشتہ روز سابق کونسلر چوہدری محمد جمیل کمبوہ کی اقامت گاہ پر گئے اور ان کے نوجوان صاحبزادے صحافی عارف جمیل کمبوہ کے انتقال پر دکھ اور افسوس کا اظہار کیا انہوں نے عارف جمیل کمبوہ کے ایصال ثواب کے لیے فاتحہ خوانی کی اسی طرح وہ محمود کالونی بھی گئے جہاں انہوں نے نوجوان صحافی کامران طلال کے پانچ سالہ بھتیجے عدیل کے اندھے قتل پر
سوگوار خاندان سے دلی رنج وغم کا اظہار کیا انہوں نے دعا کی کہ
اللہ تعالی پسماندگان کو یہ صدمہ برداشت کرنے کی ہمت عطا کرے- دریں اثنا پرنس بہاول عباس عباسی اپنی عوامی رابطہ مہم کے سلسلے میں حمزہ ٹاؤن بھی گئے جہاں انہوں نے انجمن تاجران کنگن روڈ کے صدر شیخ محمد اقبال کے انتقال پر ان کے بھائیوں سے تعزیت کی انہوں نے شیخ اقبال مرحوم کے درجات کی بلندی کے لیے دعا بھی کی
پرنس بہاول عباس خان عباسی چڑی مار باغ محمود کالونی میں نوجوان صحافی محمد کامران طلال کے پانچ سالہ بھتیجے محمد عدیل کے اغوا اور قتل پر افسوس کا اظہار کرتے ہوئے
پرنس بہاول خان عباسی حمزہ ٹاؤن میں انجمن تاجران کنگن روڈ کے صدر شیخ محمد اقبال مرحوم کے ایصال ثواب کے لیے فاتحہ خوانی کر رہے ہیں
